बदलापूर प्रकरणातील आरोपी अक्षय शिंदेच्या एन्काऊंटरनंतर फॉरेन्सिक टीम घटनास्थळी दाखल झाली आहे. मुंब्रा बायपास याठिकाणी फॉरेन्सिक टीम पोहोचली आहे.
राज ठाकरे सलमान खानच्या वांद्रे इथल्या गॅलेक्सी अपार्टमेंटमध्ये दाखल झाले आहेत. सलमान खान आणि त्याच्या कुटुंबीयांची ते भेट घेणार आहेत. काही दिवसांपूर्वीच सलीम खान यांना धमकी मिळाली होती.
“शिरसाट यांनी या सर्व प्रकरणावर प्रश्न उपस्थित केलाय. आरोपीने हातात बेड्या असताना बंदुक काढलीच कशी”, अशा सवाल सुषमा अंधारे यांनी अक्षय शिंदे एन्काऊंटरप्रकरणी केलाय.
नाशिक- शरद पवारांच्या राष्ट्रवादीची शिव स्वराज्य यात्रा नाशिकमध्ये होत असून या यात्रेचा आजचा दुसरा दिवस आहे. प्रदेशाध्यक्ष जयंत पाटील आणि खासदार अमोल कोल्हे यांच्यासह शरद पवारांच्या राष्ट्रवादीचे पदाधिकारी नाशिक पोलीस आयुक्तांची भेट घेणार आहेत. मागील आठवड्यात नाशिकच्या के के वाघ कॉलेजच्या विद्यार्थिनीने आत्महत्या केली होती. या प्रकरणाची सखोल चौकशी करण्याची राष्ट्रवादी पदाधिकाऱ्यांकडून मागणी करण्यात येणार आहे.
मातोश्रीवर लवकरच बैठक सुरू होणार आहे. भास्कर जाधव यांच्यासह इतर ग्रामीण भागातील नेतेही दाखल झाले आहेत. वैभव नाईक यांच्यासह सिंधुदुर्गातील अनेक कार्यकर्ते मातोश्रीवर पोहोचले आहेत.
आरोपी अक्षयला कोणत्या चौकशीसाठी नेलं जात होतं ? पोलिसांच्या मांडीला गोळी कशी लागली ? कुणाला तरी वाचवण्यासाठी आरोपीचा बळी घेतला का ? असे सवाल उपस्थित करत वंचित बहुजन आघाडीचे नेते प्रकाश आंबेडकर यांनी या प्रकरणी संशय व्यक्त केलाय.
मालवण राजकोट येथे महाराजांचा भव्य पुतळा उभारण्याच्या हालचाली सुरू झाल्या आहेत. राजकोट किल्ला येथे नव्याने शिवपुतळा उभारण्यासाठी महाराष्ट्र राज्याच्या सार्वजनिक बांधकाम विभागाने २० कोटी रुपयांची निविदा प्रक्रिया सुरू केली आहे. सार्वजनिक बांधकाम विभाग कार्यकारी अभियंता कणकवली यांनी ही निविदा प्रक्रिया केलेली आहे.
राजकोट किल्ला येथे उभारण्यात आलेला शिव पुतळा अवघ्या आठ महिन्यात कोसळल्यानंतर तीव्र स्वरूपात शिवभक्तांच्या भावना संपूर्ण महाराष्ट्रात आणि देशाभरात उमटल्या होत्या.
सिंधुदुर्गातील कुडाळ तालुक्यात मुसळधार पावसाची हजेरी, पावसामुळे बंधारा वाहून गेला. त्यामुळे दोन गावांचा संपर्क तुटला असून ये-जा करण्यासाठी नागरिकांची मोठी गैरसोय होत आहे.
संभाजीनगर जिल्ह्यातील फुलंब्री तालुक्यात मराठा आंदोलक आक्रमक, मराठा आंदोलकांनी तहसीलदारांची खुर्ची पेटवली
छत्रपती संभाजीनगर जिल्ह्यातील फुलंब्री तालुक्यात मराठा कार्यकर्ते आक्रमक झाले आहेत. मराठा कार्यकर्त्यांनी तहसील कार्यालयात तहसीलदारांची खुर्ची पेटवली आहे. तहसीलदाराच्या दालनातून खुर्ची बाहेर आणून खुर्ची पेटवली आहे. तहसीलदार कार्यालयाच्या आवारात खुर्चीवर पेट्रोल ओतून तहसीलदारांची खुर्ची पेटवली आहे. मनोज जरांगे यांच्या उपोषणाची दखल घेण्यासाठी खुर्ची पेटवली आहे. खुर्ची पेटवून फुलंब्री तालुक्यात तीव्र आंदोलन केलं जात आहे.
अजित पवारांची राष्ट्रवादी काँग्रेसकडून चाचपणी केली जात असल्याची माहिती आहे. अजित पवार गटाकडून 288 मतदारसंघांचा सर्व्हे करण्यात येत आहे. काल रात्री देवगिरीवर पार पडली महत्त्वपूर्ण बैठक पार पडली. राष्ट्रवादी काँग्रेस मधील प्रमुख नेते उपस्थित होते. 288 मतदार संघाबाबत अजित दादांनी नेत्यांशी महत्त्वपूर्ण चर्चा केली. महायुतीत असतानाही अजित पवारांच्या पक्षाकडून राज्यातील सगळ्या मतदारसंघांची चाचपणी सुरु आहे. या आठवड्यातच निर्णय घ्या, अशी मागणी पक्षातील नेत्यांनी अजित दादांकडे केली असल्याची माहिती सूत्रांनी दिली आहे.
केंद्रिय गृहमंत्री अमित शाह आज नागपूर दौऱ्यावर असून त्यांच्या स्वागताची मोठी तयारी करण्यात आली आहे. नागपूरच्या सुरेश भट सभागृहामध्ये विदर्भातील भाजपच्या पदाधिकाऱ्यांची बैठक अमित शाह घेणार आहेत. भट सभागृहाच्या बाहेर मोठ्या प्रमाणात स्वागताचे बॅनर पोस्टर लावण्यात आले आहेत. साधारणता दोन वाजता अमित शहा नागपूरात दाखल होऊन भट सभागृहात येणार आहेत. विदर्भातील जवळपास 1500 पदाधिकाऱ्यांची बैठक या ठिकाणी होणार आहे. विधानसभा निवडणुकीच्या अनुषंगाने ही बैठक अतिशय महत्त्वाची अशी समजली जात आहे. पोलिसांचा तगडा बंदोबस्त या ठिकाणी लावण्यात आला आहे.
वसई -विरारमध्ये पावसाची संततधार सुरु आहे. रिम-झिम पाऊसासह अधून-मधून जोरदार पाऊस पडत आहे. परिसरात आभाळ पूर्णतः भरून आले असून हवेत गारवा पसरला आहे. विरार ते चर्चगेट लोकल सेवा आणी शहरतील वाहतूक सुरळीत सुरू आहे.
माजी आमदार रामदास चारोस्कर यांच्या पत्नी करणार शरद पवार गटात प्रवेश.. सुनीता चरोस्कर करणार पक्ष प्रवेश.. सुनीता चारोस्कर गेल्या 10 वर्षांपासून समाज कल्याण सभापती… सुनीता चारोस्कर दिंडोरी विधानसभा निवडणूक लढण्यास आहेत इच्छुक..
करमाळयाचे आराध्य दैवत आई कमलाभवानी देवीचे दर्शन… करमाळयाच्या नवीन तहसिल कार्यालयाच्या भूमिपूजन.. झरे फाटा ते वेणेगाव रस्त्याच्या कामाचं भूमिपूजन.. झरे फाटा येथे महिला व शेतकरी मेळाव्याचे आयोजन…
पंतप्रधान नरेंद्र मोदींच्या पुणे दौऱ्याची तयारी अंतिम टप्प्यात… पंतप्रधान नरेंद्र मोदी 26 तारखेला पुणे दौऱ्यावर… पुण्यातील एसपी कॉलेजच्या मैदानावर मोदींची जाहीर सभा… सभेसाठी सभामंडप आणि स्टेज उभारण्याचे काम सुरु… 26 तारखेला मोदींच्या हस्ते पुण्यातील विविध विकासकामांचे उद्घाटन
अक्षय शिंदे यांचा एन्काऊंटर झाल्यानंतर बदलापुरामध्ये आनंद साजरा करण्यात आला. तब्बल आठ तास ज्या रेल्वेस्थानकावरती बदलापूरकर फाशीची मागणी करत होते. त्याच रेल्वे स्टेशनवर आता एन्काऊंटरचा उत्सव आनंदात साजरा करत पेढे वाटून फटाके वाजवत आनंद साजरा करत आहेत…
पुणे – गुरुवारी दक्षिण पुण्याचा पाणी पुरवठा दिवसभर बंद राहणार
– कात्रज येथे मुख्य जलवाहिनीच्या दुरुस्तीच्या कामामुळे पाणीपुरवठा बंद राहणार,
– यामध्ये बालाजी नगर, पुण्याई नगर, काशिनाथ पाटील नगर, श्री हरी सोसायटी परिसर, कात्रज गाव, गुजरवाडी फाटा या भागाचा समावेश
– शुक्रवारी उशिरा व कमी दाबाने पाणी पुरवठा होईल,
– महापालिकेच्या पाणी पुरवठा विभागाची माहिती
– खेड-आळंदी विधानसभा मतदार संघावर ठाकरे गटाचा दावा
– खेड तालुक्यातील पदाधिकारी आणि इच्छुक नेत्यांनी घेतली संजय राऊतांची भेट
– विधानसभा निवडणुकीच्या दृष्टीने हा मतदारसंघ शिवसेनेला कसा अनुकूल आहे याची माहिती यावेळी राऊतांना देण्यात आली
– महाविकास आघाडीतील ही जागा शिवसेनेला मिळावी यासाठी स्थानिक पदाधिकारी आग्रही
नागपूर – केंद्रीय गृहमंत्री अमित शहा आज नागपूर दौऱ्यावर
विधान सभा निवडणुकीच्या अनुषंगाने विदर्भातील सर्वच विधानसभा पदाधिकाऱ्यांची घेणार बैठक
विदर्भातील 1500 पदाधिकारी असणार बैठकीला उपस्थिती
आजी माजी आमदार खासदारांचा असणार समावेश
विदर्भात लोकसभा निवडणुकीत भाजप ला कमी मताधिक्य मिळालं होतं, त्यावर सुद्धा चर्चा होऊन मताधिक्य वाढविण्यावर मंथन होण्याची शक्यता
विधानसभा निवडणुकीच्या अनुषंगाने असणार ही अतिशय महत्त्वाची बैठक
निवडणुकीला कशा प्रकारे समोर जायचं विरोधकांना कसा प्रकारे उत्तर द्यायचं यावर सुद्धा चर्चा होण्याची शक्यता आहे
अक्षय शिंदेचा कळवा रुग्णालय येथे करण्यात येत आहे पंचनामा
पोस्टमार्टम हे जे जे रुग्णालयात करण्यात येणार आहे काही वेळात
पोस्टमार्टम नंतर त्याचा मृतदेह त्याच्या कुटुंबीयांकडे सोपविण्यात येणार आहे..
ठाणे : ठाण्याचे पोलीस आयुक्त आशुतोष डुंबरे अक्षय शिंदे याचा एन्काऊंटर करणाऱ्या जखमी पोलीस अधिकाऱ्यांच्या भेटीला
मध्यरात्री ज्युपिटर या खाजगी रुग्णालयात घेतली भेट
पोलीस अधिकाऱ्यांची योग्य ती काळजी घेण्याची केली सूचना
Badlapur Akshay Shinde Encounter Update : बदलापूर प्रकरणामधील आरोपी अक्षय शिंदेचा पोलिसांकडून एन्काऊंटर झाला. आरोपी अक्षय शिंदेने पोलिसांची रिव्हॉल्वर हातात घेऊन पोलिसांवरच गोळीबार केला. यात दोन पोलीस जखमी झाले. पोलिसांनी स्व:संरक्षणासाठी केलेल्या गोळीबारात आरोपी अक्षयचा मृत्यू झाला. या प्रकरणानंतर अक्षयच्या आई-वडिलांनी मृतदेह स्वीकारण्यास नकार देत पोलिसांवर आरोप केले आहेत. तर दुसरीकडे विरोधकांनीही यावरुन जोरदार टीका करत मोठं षडयंत्र असल्याचे म्हटलं आहे. आता या घटनेनंतर राजकीय आरोप-प्रत्यारोप सुरु झाले आहेत. तसेच केंद्रीय गृहमंत्री अमित शाह आजपासून दोन दिवस महाराष्ट्र दौऱ्यावर आले आहेत. त्यासोबतच महाराष्ट्रात आगामी विधानसभा निवडणूक तोंडावर येऊन ठेपली आहे. त्यामुळे सध्या महाराष्ट्रातील राजकीय घडामोडी मोठ्या वेगाने सुरु आहेत. त्यातच सर्वच राजकीय पक्षांकडून मोर्चेबांधणीलाही सुरुवात झाली आहे.