Maharashtra Breaking News LIVE : रतन टाटा यांचं निधन, ब्रीच कँडी रुग्णालयात अखेरचा श्वास

रत्नागिरी : महाराष्ट्र एटीएस आणि रत्नागिरी पोलिसांनी मोठी कारवाई केली आहे. खैर झाडाची कर्नाटकातून तस्करी करून चिपळूणमध्ये आणणाऱ्या ५ जणांना अटक करण्यात आली आहे. कोकणात झालेल्या कारवाईचे पडघा कनेक्शन समोर आले आहे. पडघ्यात झालेल्या कारवाईनंतर रडारवर असलेल्या संशयिताकडून ही तस्करी सुरू होती अशी माहिती आहे. पडघ्यातील कारवाईनंतर टेरर अँगलमध्ये संशयित असणारा आरोपी या कारवाईत ताब्यात घेण्यात आलाय. नाशिक, अहमदनगर अशा भागातील संशयित एटीएसच्या ताब्यात आहेत. एटीएसने ५ जणांना ताब्यात घेतलं आहे. खैर झाडावर महाराष्ट्रात विक्रीस  बंदी आहे.

अखेर अहमदनगरचे अहिल्यानगर नामांतराच्या सर्व कायदेशीर गोष्टी पूर्ण. महाराष्ट्र शासनाच्या राजपत्रात झाली अधिसूचना जाहीर. अहमदनगर शहरासह जिल्ह्याचे आणि तालुक्याचे नाव अहिल्यानगर करण्याबाबत महाराष्ट्र शासनाच्या राजपत्रात करण्यात आले जाहीर. आजपासून अहमदनगरचे नाव अहिल्यानगर होणार आहे.

धुळे तालुक्यातील कापडणेसह परिसरामध्ये वादळी वाऱ्यासह पावसाने जोरदार हजेरी लावली आहे. सायंकाळी पाच वाजेच्या सुमारास वादळीवारासह मुसळधार पावसाने हजेरी लावली. तासभरापेक्षा जास्त वेळ चाललेल्या पावसामुळे शेतकऱ्यांचं मोठं नुकसान. आठ दिवसाच्या विश्रांतीनंतर परतीचा पाऊस पुन्हा सक्रिय. कापूस, मका, मुळा, कोथिंबी,र दुधी, पालक, मिरची फळबागांना पावसाचा फटका बसला आहे.

1992 च्या बॅचचे आयएएस अधिकारी केएपी सिन्हा यांची पंजाब सरकारचे नवीन मुख्य सचिव म्हणून नियुक्ती करण्यात आली आहे. ते आयएएस अधिकारी अनुराग वर्मा यांची जागा घेतील.

तुम्ही हरियाणा जिंकला असाल, पण काश्मीरमध्ये दारुण पराभव झाला आहे, असे म्हणत काँग्रेसच्या प्रवक्त्या सुप्रिया श्रीनेट यांनी भाजपवर हल्लाबोल केला आहे. पंतप्रधानांच्या म्हणण्यात फरक आहे, भाजपने आपले शब्द काळजीपूर्वक निवडावेत.

गुजरातमध्ये लोथल इथ नॅशनल मैरिटाइम हेरिटेज कॉम्पलेक्स बनवलं जाणार आहे. हा जगातला सगळ्यात मोठं मेरिटाइम हेरिटेज असणार आहे. मेरिटाइम हेरिटेज योजनेत इतिहासातील घटनांना उजळा दिला जाणार आहे.  ज्या राज्यांना समुद्र किनारा लाभला आहे. त्या राज्यातील मेरिटाइम हेरिटेज विकसित केलं जाणार आहे.

पोषण आहार सुरक्षेच्या संदर्भात केंद्र सरकारने मोठा निर्णय घेतला आहे. 2024 ते 2028 साठी केंद्र सरकार पोषण आहार योजना सुरु करणार आहे. पोषण आहार सुरक्षा योजनेसाठी 17 हजार 82 कोटीचा निधी मंजूर करण्यात आला आहे. ही योजना पूर्ण पणे केंद्र सरकारच्या निधीवर चालणार आहे.

वाशिमच्या मालेगाव तालुक्यात अनेक ठिकाणी विजेच्या विजेच्या कडकडाटासह पाऊस होत आहे. राजुरा येथील एका मजुरांचा वीज पडून मृत्यू झाला आहे. सुदी इथल्या शेत शिवारात मोहळे याच्या शेत मजुरी करीत असताना ही घटना घडली. या पावसामुळे काढणीला आलेल्या आणि कापणी करून ठेवलेल्या सोयाबीनचं अतोनात नुकसान होणार असल्यानं शेतकऱ्यांची चिंता वाढली आहे.

आगामी विधानसभा निवडणुकीच्या पार्श्वभूमीवर महायुतीकडून समन्वयक यादी जाहीर करण्यात आली आहे. अमरावतीच्या बडनेरा मतदारसंघासाठी भाजपच्या समन्वयकपदी युवा स्वाभिमान पक्षाचे अध्यक्ष आणि आमदार रवी राणा यांची नियुक्ती करण्यात आली आहे. आमदार रवी राणा यांचे नाव भाजप समन्वयक म्हणून जाहीर झाल्याने राजकीय वर्तुळात विविध चर्चा रंगल्या आहत.

आमदार मंदा म्हात्रे यांच्या वाशीतील कार्यालयाला ओसी नसल्याने त्यांच्यावर गुन्हा दाखल करण्याची मागणी मनसे शहर अध्यक्ष गजानन काळे यांनी केली आहे. तसेच विजय नाहटा यांचे कार्यालयाला देखील ओसी नसल्याचे उघड झाल्याचे त्यांनी म्हटले आहे.

कोल्हापुरात महायुतीतील अंतर्गत वाद पुन्हा चव्हाट्यावर आला आहे. कागल विधानसभा मतदारसंघात संजय मंडलिक गटाने हसन मुश्रीफ यांच्या विरोधात पोस्टरबाजी केली आहे.पोस्टरवर हसन मुश्रीफ आणि समरजीत घाटगे यांच्याही नावाचा उल्लेख करत सवाल केले आहेत.

गोंदिया जिल्ह्यात धान कापणीला सुरुवात झाली असून हलक्या स्वरूपाचे धान कापण्यात शेतकरी व्यस्त झाले आहे. तरी परतीच्या पावसाचा धोका कायम आहे.

काँग्रेसचे माजी उपमहापौर आणि विद्यमान महापालिकेचे सभागृह नेते सय्यद समी सय्यद साहेबजान (माजु लाला) यांची वंचित कडून परभणी विधनसाबेसाठी उमेदवारी घोषित. वंचित बहुजन आघाडीच्या दहा मुस्लिम उमेदवारांच्या यादीत सय्यद समी यांच्या नावाचा समावेश.

३२ वर्षीय महिलेचं अपहरण कर्जत मधील जंगलात नेवून केलं अत्याचार. महिलेला केली मारहाण मारहाण करत केला अत्याचार सहकारनगर पोलीस ठाण्यात गुन्हा दाखल

राज्यातील विविध विकासकामांचे उद्धाटने पंतप्रधान नरेंद्र मोदी यांच्या हस्ते करण्यात आलंय.

यावेळी 48 ते 49 जागा निवडून येतील या दृष्टीने आमचे प्रयत्न सुरू आहेत. कोल्हापूरमधील दहा पैकी चार जागा भाजपने लढवाव्यात अशी विनंती आम्ही केली. शिवाय महायुती म्हणून जास्तीत जास्त जागा निवडून येतील असे आमचे प्रयत्न आहेत

एमआयएमचे धुळे शहराचे आमदार फारुक शहा यांच्यावर समाजवादी पक्षाचे इर्षात जहागीरदार यांची जहरी टीका..विधानसभा निवडणुकीला काही वेळ असला तरी आरोप प्रत्यारोप सुरू. धुळे शहरातील आमदार फारुक शहा यांच्यावर समाजवादी पक्षाच्या इर्षात जहागीरदारांकडून जोरदार हल्लाबोल..

सिंधुदुर्ग जिल्ह्यातील वेंगुर्ला वेळागर येथे येत्या चार दिवसांत ऑनलाईन पद्धतीने उद्घाटन होणाऱ्या ताज प्रकल्पाला ग्रामस्थांनी विरोध केला आहे.भूमिपुत्रांना विश्वासात न घेता या प्रकल्पासाठी 142 हेक्टर क्षेत्र एमटीडीसीने आरक्षित केला . या आरक्षित क्षेत्रातून गावठाण असलेली 9 हेक्टर जमीन वगळावी अशी मागणी येथील भूमिपुत्रांनी केली आहे.

माढा विधानसभेतून शिवतेजसिंह मोहिते पाटील किंवा रणजीत सिंह मोहिते पाटील महाविकास आघाडीतून विधानसभा लढवणार आहे. माढा विधानसभा मतदारसंघातील गाव भेट दौऱ्याला शिवतेजसिंह मोहिते पाटील यांनी सुरुवात केली आहे.

ओव्हरलोड ट्रकमुळे बारामतीत होणारे एक्सिडेंट आणि आरटीओ भोंगळ कारभार थांबला पाहिजे, यासाठी आंदोलन करण्यात आले. शिवधर्म फाउंडेशनचे दीपक काटे यांच्या नेतृत्वाखाली शेकडोच्या उपस्थितीत आरटीओ कार्यालयावर धडक मोर्चा काढण्यात आला.

नांदगाव मनमाड मतदार संघावरून शिवसेना देखील आक्रमक झाली आहे. आम्ही येवल्याची जागा मागितली तर? छगन भुजबळ यांच्या ट्विटनंतर दादा भुसे यांचा भुजबळांना सवाल केला आहे. समीर भुजबळ यांचे वाढदिवसानिमित्त नांदगाव मतदार संघात राष्ट्रवादीने शक्तिप्रदर्शन केले आहे.

दसरा मेळाव्याची तयारी जोरात सुरू आहे. 12 तारखेला दसरा मेळावा आहे. परंतु, 11 तारखेपासून नारायण गडावर जेवणाची व्यवस्था करण्यात येणार आहे. जातीवंत मराठ दुसऱ्या मेळाव्यास जाणार नाही, असे मनोज जरांगे यांनी म्हटले.

“लोकसभेत फेक नरेटिव्ह सेट केला. तो फेक नरेटिव्ह पसरवला गेला. काही लोक त्याला बळी पडले. निवडणुक झाल्या झाल्या आमच्या ते लक्षात आलं. ते कसं चुकीच होतं ते आम्ही मतदारांपर्यंत पोहोचवण्यात यशस्वी ठरलो” असं शंभुराजे देसाई म्हणाले.

केंद्रीय अल्पसंख्याक मंत्री किरेन रिजुजू यांच्या कार्यक्रमाकडे भाजप पदाधिकाऱ्यांनी फिरवली पाठ. अब्दुल सत्तार यांनी सिल्लोडमध्ये आयोजित केला होता कार्यक्रम. अब्दुल सत्तार यांनी कार्यक्रम आयोजित केल्यामुळे भाजपने फिरवली पाठ. भाजप मंत्र्यांच्याच कार्यक्रमाकडे स्थानिक भाजप पदाधिकाऱ्यांनी फिरवली पाठ.

“महायुती म्हणून आमच्या अनेक बैठका विधानसभेच्या अनुषंगाने झाल्या आहेत. पक्षातंर्गत बैठका झाल्या. 288 मतदारसंघात तिन्ही पक्षांच्या विधानसभा समन्वयकांची नियुक्ती केली आहे. उमेदवारी कोणाला मिळणार, हे आमचे नेते ठरवतील. महायुतीच्या घटक पक्षात बूथ स्तरावर समन्वय असला पाहिजे. म्हणून समन्वयकांची नियुक्ती करण्यात आली आहे” असं शंभूराजे देसाई यांनी सांगितलं.

“काँग्रेस, ठाकरे गट शस्त्र चमकवून बसले होते. देशाचा मूड आता इंडिया आघाडीला लक्षात आलाय. विरोधकांच फेक नरेटिव्ह हरियाणात चाललं नाही. हम साथ साथ हैं, म्हणणारे हम तुम्हारे कौन” म्हणायला लागलेत. हरियाणा विधानसभा निवडणूक निकालावर देवेंद्र फडणवीस यांची प्रतिक्रिया.

शिवसेना शिंदे गटाचा आज कोल्हापुरात मेळावा. मुख्यमंत्री एकनाथ शिंदे मेळाव्यात मार्गदर्शन करणार. दसरा चौकात होणाऱ्या मेळाव्याला शिवसेनेचे पदाधिकारी कार्यकर्ते उपस्थित राहणार. कोल्हापूर उत्तर मतदार संघावर भाजपने देखील केला आहे दावा. आज माजी आमदार राजेश क्षीरसागर मुख्यमंत्र्यांच्या उपस्थितीत मेळावा घेऊन शक्ती प्रदर्शन करणार.

“राज्यात सध्या चुकीच व विटलेलं राजकरण आहे. मी व्यक्तीगत राजकरण सोडलेलच आहे. फक्त मुलासाठी आज सक्रीय आहे. पूर्वीचं व आताच राजकारण खूप बदललं. व्यक्तिगत हेवेदावे, कौटुंबिक टिप्पण्या हे सगळं चुकीचं राजकारण सुरू आहे. महाराष्ट्राला अशी दिशा आणि विचार कधीच नव्हता. यशवंतरावांनी निर्माण केलेला महाराष्ट्र आज चुकीच्या पद्धतीने पुढे जातोय” असं ज्येष्ठ नेते मधुकर पिचड म्हणाले.

नवी दिल्ली- राहुल गांधी यांचं नागरिकत्व रद्द करा, या संदर्भात भाजप नेते सुब्रह्मण्यम स्वामी यांनी दिल्ली उच्च न्यायालयात दाखल केलेल्या याचिकेवर आज सुनावणी होणार आहे. या याचिकेत गृहमंत्रालयाला राहुल गांधी यांचं नागरिकत्व रद्द करण्यासाठी आदेश देण्याची मागणी करण्यात आली आहे. सुब्रह्मण्यम स्वामी यांच्या मते राहुल गांधी यांनी इंग्लंडचं नागरिकत्व स्वीकारलं होतं. त्यामुळे त्यांचं नागरिकत्व रद्द करावं, अशी मागणी करण्यात आली.

२६ सप्टेंबरला पार पडलेल्या सुनावणीत न्यायालयाने या प्रकरणात अलाहाबाद उच्च न्यायालयात सुनावणी सुरू असल्याने आम्ही या प्रकरणात सुनावणी करू शकत नाही, असं म्हटलं होतं. त्यानंतर न्यायालयाने गृहमंत्रालयाकडे या केसचं स्टेटस काय आहे याची माहिती देण्यास सांगितलं होतं. त्यानंतर आज सुनावणी होणार आहे.

जम्मू काश्मीर- विधानसभा निवडणुकीचा निकाल लागताच काश्मीर खोऱ्यात दहशतवादी सक्रीय झाले आहेत. दहशतवाद्यांकडून दोन जवानांचं अपहरण करण्यात आलं असून एका जवानाची सुटका करण्यात यश मिळालं आहे. अनंतनागच्या जंगल क्षेत्रातील ही घटना आहे. सुटका झालेल्या जवानाकडून माहिती घेण्याचं काम सुरू आहे. अनंतनागच्या जंगल क्षेत्रात पहाटेपासून सैन्य दलाचं सर्च ऑपरेशन सुरू आहे.

“हरियाणाचा पराभव दुर्देवी आहे. यातून बऱ्याच गोष्टी शिकण्यासारख्या आहेत. देशातील निवडणूक एकत्र लढवावी लागेल. कोणी स्वत:ला छोटा भाऊ, मोठा भाऊ समजू नये. लोकसभेचं यश हे इंडिया आघाडीचं यश आहे,” असं राऊत म्हणाले.

“हरियाणातील निवडणूक निकालाचा महाराष्ट्रावर कोणताही परिणाम होणार नाही. महाराष्ट्रात काँग्रेस, राष्ट्रवादी काँग्रेस आणि शिवसेना तिघांची महाविकास आघाडी आहे. महाराष्ट्रात शरद पवार, उद्धव ठाकरे यांचं जागरुक नेतृत्व आहे,” असं संजय राऊत म्हणाले.

नवी दिल्ली- केंद्रीय मंत्रिमंडळाची आज बैठक पार पडणार आहे. सकाळी १०ः३० वाजता पंतप्रधान निवासस्थानी ही बैठक होणार आहे. या बैठकीत नवी मुंबई विमानतळाला दि बा पाटील यांचं नाव देण्यासंदर्भातील ठराव आज पास होण्याची शक्यता आहे.

आपला हा दिखावा कशासाठी? बोपदेव घाटाच्या पाहणीवरून रूपाली चाकणकर यांची सुप्रिया सुळे यांच्यावर नाव न घेता टीका केली. काल शरद पवार यांच्यासह सुप्रिया सुळे यांनी बोपदेव घाटात जाऊन पाहणी केली होती. गुरुवारी घडलेल्या सामूहिक लैंगिक अत्याचारप्रकरणी सुप्रिया सुळेंनी काल बोपदेव घाट परिसरात पाहणी केली होती. ‘झोपी गेलेल्याला जागं करता येतं, झोपेचं सोंग घेणाऱ्यांना नाही,’ अशी टीका चाकणकर यांनी सुप्रिया सुळेंवर केली. राष्ट्रवादीच्या अनेक नेत्यांवर गुन्हे दाखल आहेत, त्यांच्या विरोधात आंदोलन कधी करणार असा सवालही चाकणकर यांनी केला.

एकनाथ शिंदे, देवेंद्र फडणवीस, अजित पवार यांच्या दौऱ्याच्या पार्श्वभूमीवर नांदेड शहरात बॅनरबाजी करण्यात आली आहे. जनतेच्या मनातील मुख्यमंत्री, पुन्हा येणार, लाडक्या बहिणीचा देवा भाऊ पुन्हा येणार असे बॅनर्स देवेंद्र फडणवीस यांच्या समर्थकांकडून लावण्यात आले आहेत. शहरात ठिकठिकाणी हे बॅनर लावले आहेत. उद्या नांदेडमध्ये महिला सक्षमीकरण मेळाव्याचे आयोजन करण्यात आलं आहे.

जुन्नर तालुक्यातील पिंपरी पेंढार हद्दीमध्ये बिबट्याचा महिलेवर हल्ला… बिबट्याच्या हल्ल्यात महिलेचा दुर्दैवी मृत्यू… सुजाता रवींद्र डेरे असं या महिलेचं नाव आहे… पिंपरी पेंढार मधील मागील काही दिवसांतील ही दुसरी घटना…

पंतप्रधान नरेंद्र मोदी यांच्या हस्ते आज राज्यातील दहा वैद्यकीय महाविद्यालयाचे होणार ऑनलाइन पध्दतीने उद्घाटन.. दहा पैकी पाच वैद्यकीय महाविद्यालय विदर्भात… विदर्भातील अमरावती, वाशिम, गडचिरोली, भंडारा, हिंगोली, बुलढाना मध्येही वैद्यकीय महाविद्यालयाची निर्मिती… मुंबई, अंबरनाथ,नाशिक, जालण्यात मेडिकल कॉलेज..

कार्यकर्त्यांच्या मेळाव्यात गफार कादरी यांनी दिले बंडखोरीचे संकेत… गफार कादरी यांना पक्षाकडून उमेदवारी मिळण्याची शक्यता नसल्यामुळे नाराज… असदुद्दीन ओवैसी यांनी राज्यत 5 उमेदवार जाहीर केले मात्र गफार कादरी यांना टाळले… गफार कादरी यांनी पूर्व मतदार संघातून दोन वेळा लढवली विधानसभा निवडणूक… इम्तियाज जलील आणि गफार कादरी यांच्यात अनेक दिवसांपासून आहे वितुष्ट…

पिंपरी चिंचवड शहरात अजित पवार यांच्या उपस्थितीमध्ये आज विविध विकासकामांचे उद्घाटन सुरू आहे… त्याचाच एक भाग म्हणून पिंपरी चिंचवड पोलीस आयुक्तालयामध्ये पोलिसांसाठी नवीन वाहने देण्याचा कार्यक्रमही आयोजित करण्यात आला…. यावेळी पिंपरी चिंचवड पोलिसांनी अजित पवार यांना मानवंदनाही दिली.

ड्रग्स प्रकरणात कस्टम विभागाने एजाज खानच्या कार्यालयात धाड टाकून त्याच्या ऑफिसबॉयला अटक केली. 35 लाखांच्या एमडीएम ड्रग्स प्रकरणात कस्टम कडून सूरज गौडला करण्यात अटक आली आहे.

विधानसभेच्या उमेदवार निश्चितीसाठी पुढील दोन दिवस भाजपच्या महत्त्वाच्या बैठका होणार आहेत. भाजपची उमेदवार निवड प्रक्रिया जवळपास पूर्ण झाली असून आठवडाभरात भाजपची पहिली यादी घोषित होणार आहे.

काल रात्री सागर बंगल्यावर भाजपच्या निवडक नेत्यांची मॅरेथॉन बैठक पार पडली.  मुंबई, कोकण विभागानंतर आज उत्तर महाराष्ट्र आणि पश्चिम महाराष्ट्राच्या जिल्हा निहाय बैठका तर विदर्भ आणि मराठवाड्याच्या बैठकही 2 दिवसांत पार पडणार आहेत.

सोलापूर शहर उत्तरचे भाजप आमदार विजयकुमार देशमुख यांची डोकेदुखी वाढली आहे.  फडणवीस समर्थक असलेल्या राहुल काटकर यांनी देवेंद्र फडणसांकडे शहर उत्तर विधानसभेची उमेदवारी मागितली . देवेंद्र फडणवीस यांचे कट्टर समर्थक म्हणून राहुल काटकर यांची ओळख आहे.  देवपुष्प फाउंडेशनच्या माध्यमातून राहुल काटकर यांचे सोलापूर जिल्ह्यात काम सुरू आहे.

जागावाटपासंदर्भात महाविकास आघआडीची 11 तारखेला पत्रकार परिषद होणार असून त्यावेळी शरद पवार, उद्धव ठाकरे , नाना पटोले संबोधित करणार आहेत. या पत्रकार परिषदेत मविआच्या जागावाटपाचा फॉर्म्युला समजण्याची शक्यता आहे.

आज राजधानी दिल्लीत भारत वि. बांगलादेश दुसरा टी 20 सामना रंगणार आहे. सामना जिंकून मालिका जिंकण्यासाठी भारतीय संघ सज्ज.

अभिनेता एजाज खान पुन्हा अडचणीत सपाडला आहे. ड्रग्स प्रकरणात कस्टम विभागाने एजाज खानच्या कार्यालयात धाड टाकून त्याच्या ऑफिसबॉयला अटक केली. 35 लाखांच्या एमडीएम ड्रग्स प्रकरणात कस्टम कडून सूरज गौडला करण्यात आली अटक.

युरोपियन देशातून तस्करी केलेले हे ड्रग्स एजाज खानच्या अंधेरीतील कार्यालयात पोहोचवण्यात आले होते त्यावेळी कस्टमने ही कारवाई केली.

अमरावती येथील शासकीय वैद्यकीय महाविद्यालयाचे लोकार्पण व रुग्णालयाचे आज पंतप्रधान नरेंद्र मोदी यांच्या हस्ते भूमिपूजन होणार आहे. आज सकाळी 11 वाजता ऑनलाइन पद्धतीने पंतप्रधान नरेंद्र मोदी, राज्यपाल राधाकृष्णन,मुख्यमंत्री एकनाथ शिंदे यांच्या उपस्थितीत हा कार्यक्रम होईल.