Yavatmal Murder : डॉ. हनुमंत धर्मकारे हत्याकांडातील मुख्य आरोपी अटक, दहा दिवसांची पोलीस कोठडी
डॉ. धर्मकारे यांची 11 जानेवारी गोळ्या झाडून हत्या करण्यात आली होती. उमरखेड शहरातील साकळे विद्यालयासमोर ही घटना घडली होती. डॉ. धर्मकारे हे उमरखेड येथील श्री राजाराम प्रभाजी उत्तरवार शासकीय उपजिल्हा रुग्णालयात कार्यरत होते.
यवतमाळ : उमरखेड शहरात भर दिवसा गोळ्या झाडून डॉक्टरची निर्घृणपणे हत्या करणाऱ्या मुख्य आरोपीला पोलिसांनी मध्ये प्रदेशातील धार येथून अटक केली आहे. डॉ. हनुमंत धर्मकारे (Dr. Hanumant Dharmakare) यांची गोळ्या झाडून हत्या करण्यात आली होती. अटक केलेल्या आरोपीला शनिवारी पुसद न्यायालयातील न्यायाधीश व्हि.बी. कुलकर्णी यांच्या न्यायालयात हजर केले असता त्याला दहा दिवसांची पोलीस कोठडी(Police Custody) सुनावली आहे. अहेफाज अबरार शेख असे मुख्य आरोपीचे नाव आहे. अहेफाज शेख हा पोलिसांना वारंवार गुंगारा देत होता. त्याआधी त्याच्या चार साथीदारांना पोलिसांनी अटक केली होती. परंतु मुख्य आरोपी अहेफाज हा फरार होण्यात यशस्वी झाला होता. परंतु पोलिसांच्या अथक प्रयत्नाने आरोपीला जेरबंद करण्यात पोलिसांना यश आले आहे. (Dr. Hanumant Dharmakare main accused arrested, remanded in police custody for 10 days)
डॉ.हेनुमंत धर्मकारे यांची हत्या का करण्यात आली ? त्याचे मुख्य कारण काय होते? हे चौकशीनंतरच कळेल. पोलिसांसमोर पुढील दहा दिवसात मुख्य आरोपींकडून पूर्ण माहिती घेण्याचे व हत्याकांड का घडवले याची माहिती घेण्याचे मोठे आव्हान उभे ठाकले आहे. एका डॉक्टराची हत्या करण्याचे काय कारण आहे हे आता लवकरच उघड होणार आहे.
11 जानेवारी रोजी गोळ्या झाडून धर्मकारे यांची हत्या
डॉ. धर्मकारे यांची 11 जानेवारी गोळ्या झाडून हत्या करण्यात आली होती. उमरखेड शहरातील साकळे विद्यालयासमोर ही घटना घडली होती. डॉ. धर्मकारे हे उमरखेड येथील श्री राजाराम प्रभाजी उत्तरवार शासकीय उपजिल्हा रुग्णालयात कार्यरत होते. रुग्णालयाजवळ असलेल्या गोरखनाथ हॉटेलमध्ये डॉ. धर्मकारे नेहमी मित्रांसोबत चहा पाण्यासाठी भेटत असत. नेहमीप्रमाणे 11 जानेवारी धर्मकारे चहा पान करुन मोटरसायकलवरुन आपल्या खाजगी रुग्णालयात जात असताना अज्ञातांनी त्यांच्यावर गोळीबार केला होता. यावेळी आजूबाजूच्या नागरिकांनी आरोपीला पकडण्याचा प्रयत्न केला. मात्र आरोपी पळून जाण्यास यशस्वी झाला.
रुग्णावर योग्य उपचार झाले नाही म्हणून धर्मकारे यांची हत्या झाल्याची माहिती
डॉ. हनुमंत धर्मकारे हे रुग्णालयात ड्युटीवर असताना एका उमरखेडमधील अपघातग्रस्त व्यक्तीला उपचारासाठी दाखल करण्यात आले होते. त्याच्यावर योग्य उपचार झाले नाही. डॉक्टरांच्या हलगर्जीपणामुळे मृत्यू झाला. ही सल मनात ठेऊन त्याचा वचपा काढण्यासाठी डॉक्टरवर गोळीबार केल्याची माहिती पोलीस तपासात समोर आली आहे. त्यातून हे हत्याकांड घडले असल्याची माहिती मिळते. (Dr. Hanumant Dharmakare main accused arrested, remanded in police custody for 10 days)
इतर बातम्या