शिवसेना ठाकरे गटाला शिवसेना शिंदे गटाकडून धक्कातंत्र, आदित्य ठाकरेंचे सैनिक कोणते सैनिक शिंदे गटात जाणार ?
मुख्यमंत्री एकनाथ शिंदे यांच्या वर्षा या शासकीय निवस्थानी हा प्रवेश सोहळा होत असून ठाकरे गटाला हा मोठा धक्का मानला जात आहे.
पुणे : बाळासाहेबांची शिवसेना अर्थात शिंदे गटाकडून ठाकरे गटाच्या शिवसेनाला आज मोठा धक्का दिला जाणार आहे. आदित्य ठाकरे यांच्या युवासेनेचे अनेक पदाधिकारी आज मुख्यमंत्री एकनाथ शिंदे यांच्या उपस्थित बाळसाहेबांची शिवसेना पक्षात प्रवेश करणार आहे. मुख्यमंत्री यांच्या शासकीय वर्षा या निवासस्थानी हे प्रवेश होणार आहे. युवा सेनेच्या माजी सहसचिव शर्मिला येवले यांच्यासह युवा सेनेचे अनेक पदाधिकारी शिंदे गटात प्रवेश करणार आहे. पुण्यातील अनेक युवासेनेच्या पदाधिकाऱ्यांनी युवासेनेच्या पदांचा राजीनामा दिला होता. युवासेनेच्या अनेक पदाधिकाऱ्यांना पक्षात थांबविण्यासाठी प्रयत्न केले होते. मात्र, वारंवार अन्यायाची वागणूक आणि स्थानिक पातळीवरील गटबाजीमुळे पदाधिकाऱ्यांनी नाराजी व्यक्त केली होती. इतकंच काय तर पत्रकार परिषद घेऊन युवासेनेच्या पदाधिकाऱ्यांनी उघड नाराजी व्यक्त केली होती.
ठाकरे गटाच्या युवासेनेच्या पदाधिकारी तथा आदित्य ठाकरे यांचे युवा सैनिकांनी पक्षाला रामराम करत शिंदे गटात प्रवेश करण्याचा निर्णय घेतला आहे.
आदित्य ठाकरे यांच्या पुणे येथील युवासेनेच्या पदाधिकाऱ्यांचा आज मुख्यमंत्री एकनाथ शिंदे यांच्या गटात प्रवेश होत आहे.
मुख्यमंत्री एकनाथ शिंदे यांच्या वर्षा या शासकीय निवस्थानी हा प्रवेश सोहळा होत असून ठाकरे गटाला हा मोठा धक्का मानला जात आहे.
युवासेनेच्या सहसचिव असलेल्या शर्मिला येवले यांच्यासह राज्यातील 20 ते 25 पदाधिकारी प्रवेश करणार असल्याची माहिती समोर येत आहे.
दरम्यान युवासेनेला मोठं खिंडार पडण्याची शक्यता निर्माण झाल्याने राजकीय वर्तुळात जोरदार चर्चा आहे, अनेक पदाधिकाऱ्यांना पक्षप्रवेशासाठी बोलावण्यात आले असून आज संध्याकाळी हा प्रवेश सोहळा होणार आहे.
