ITBP Bus Accident : जम्मू-काश्मीरमध्ये सैन्य दलाच्या बसचा मोठा अपघात! 6 जवान शहीद, नदीत कोसळून बसचा चक्काचूर

मोठी बातमी

Image Credit source: TV9 Marathi

जम्मू-काश्मीरमध्ये सैन्य दलाच्या बसचा मोठा अपघात (ITBP Bus accident News) झालाय. 37 ITBP जवान आणि दोन J&K पोलीस कर्मचारी घेऊन जाणारी बस पहलगाममध्ये (Pahalgam News) नदीच्या पात्रात (ITBP Bus accident Video) उलटली. बसचे ब्रेक निकामी झाल्यामुळे अपघात झाल्याची शक्यता वर्तवली जाते. मोठी जीवितहानी या अपघातात झाली असण्याची भीती व्यक्त केली जातेय. प्राथमिक माहितीनुसार, चंदनवाडी जवळ ही बस दरीत कोसळली. काळजाचा थरकाप उडवणारी दृश्यही समोर आली आहे. एकूण सहा जवान या भीषण अपघातत शहीद झालेत. तर कित्येक जवान जखमी झालेत. जखमींना उपचारासाठी रुग्णालयात दाखल करण्याचं काम सुरु आहे. या अपघातामध्ये बसचा अक्षरशः चुराडा झाला. त्यावरुन हा अपघात किती भीषण होता, याची निव्वळ कल्पनाही अंगावर काटा आणणारी आहे.

पाहा व्हिडीओ :

थोडक्यात, पण महत्त्वाचं

• आयटीबीपीच्या बसचा मोठा अपघात
• जम्मू काश्मीरात आयटीबीपीची बस थेट नदीत कोसळळी
• एकूण 39 जण बसमध्ये होते
• 38 जणांमध्ये 37 जण आयटीबीपीचे सैनिक तर दोघे जम्मू काश्मीर पोलीस
• एकूण 6 जवान भीषण अपघातात शहीद झाल्याची माहिती
• 32 जखमींवर रुग्णालयात उपचार सुरु
• चंदवाडीहून पहलगामचा जात असतेवेळी बसचा अपघात

एएनआय वृत्तसंस्थेचं ट्वीट :

एका अधिकाऱ्यानं दिलेल्या माहितीनुसार, पोलिस आणि अन्य अधिकारी घटनास्थळी दाखल झालेत. युद्धपातळीवर बचावकार्य तातडीने सुरु करण्यात आलं. जखमी जवानांनी अपघातग्रस्त बसमधून बाहेर काढण्यात आलं. रुग्णवाहिकांही जखमी जवानांना घेऊन लगेचच रुग्णालयाच्या दिशेने रवाना झाल्याची माहिती देण्यात आली. दरम्यान, 32 जवान या दुर्घटने गंभीर जखमी झालेत. मृतांचा आकडा आणखी वाढेल, अशी भीती व्यक्त केली जातेय.