बीसीसीआयचा षटकार; माजी क्रिकेटपटू आणि माजी पंचांच्या पेन्शनमध्ये घसघशीत वाढ,‘इतक्या’जणांच्या मिळणार लाभ
BCCI शाह यांनी ट्विट केले की, "माजी क्रिकेटपटू (पुरुष आणि महिला) आणि सामना अधिकाऱ्यांच्या मासिक पेन्शनमध्ये वाढ झाल्याची घोषणा करताना मला आनंद होत आहे. सुमारे 900 कर्मचारी या वाढीचा लाभ घेतील आणि सुमारे 75% कर्मचाऱ्यांना 100% वाढीचे लाभार्थी ठरतील.
BCCI Pension Increase Of Former Cricketers: भारतीय क्रिकेट नियामक मंडळाने (BCCI) एक मोठी घोषणा करत माजी भारतीय क्रिकेटपटू आणि माजी पंचांच्या पेन्शनमध्ये वाढ करण्याचा निर्णय घेतला आहे. याची घोषणा करताना बीसीसीआयचे सचिव जय शाह (BCCI secretary Jai Shah) यांनी सांगितले की, माजी क्रिकेटपटू (पुरुष आणि महिला) आणि माजी सामना अधिकाऱ्यांचे पेन्शन बोर्ड वाढणार आहे. यामध्ये पुरुष आणि महिला क्रिकेटशी संबंधित 900 जणांचा समावेश करण्यात आला आहे. या माजी खेळाडूंना लवकरच या पेन्शनचा (Pension) लाभ मिळू लागेल.
BCCI शाह यांनी ट्विट केले की, “माजी क्रिकेटपटू (पुरुष आणि महिला) आणि सामना अधिकाऱ्यांच्या मासिक पेन्शनमध्ये वाढ झाल्याची घोषणा करताना मला आनंद होत आहे. सुमारे 900 कर्मचारी या वाढीचा लाभ घेतील आणि सुमारे 75% कर्मचाऱ्यांना 100% वाढीचे लाभार्थी ठरतील.
I’m pleased to announce an increase in the monthly pension of former cricketers (men & women) and match officials. Around 900 personnel will avail of this benefit and close to 75% of personnel will be beneficiaries of a 100% raise.
— Jay Shah (@JayShah) June 13, 2022
काळजी घेणे हे आपले कर्तव्य
बीसीसीआयचे अध्यक्ष सौरव गांगुली म्हणाले, “आमच्या माजी क्रिकेटपटूंच्या आर्थिक हिताची काळजी घेणे अत्यंत महत्त्वाचे आहे. खेळाडू हे नेहमीच क्रिकेटची जीवनरेखा असतात आणि एक मंडळ म्हणून त्यांचे खेळाचे दिवस संपले की त्यांची काळजी घेणे हे आपले कर्तव्य आहे. पंच हे अनसिंग हिरो आहेत आणि बीसीसीआय त्यांच्या योगदानाची खरोखर कदर करते.”
कृतज्ञता व्यक्त करण्याचा हा एक मार्ग
बीसीसीआयचे सचिव जय शाह म्हणाले, “आमच्या क्रिकेटपटूंचे कल्याण, मग ते भूतकाळ असो किंवा वर्तमान, सर्वोच्च प्राधान्य आहे आणि पेन्शनची रक्कम वाढवणे हे त्या दिशेने एक पाऊल आहे. बीसीसीआय गेल्या अनेक वर्षांपासून पंचांच्या योगदानाची दखल घेत आहे. आणि भारतीय क्रिकेटसाठी त्यांच्या मेहनती सेवेबद्दल कृतज्ञता व्यक्त करण्याचा हा एक मार्ग आहे. एकूण 900 कर्मचाऱ्यांना या योजनेचा लाभ मिळणार असून यामध्ये 75% पेक्षा जास्त लाभार्थ्यांना 100 टक्के वाढ मिळणार आहे.
बीसीसीआयचे खजिनदार अरुण सिंग धुमाळ म्हणाले, “बीसीसीआय आज जे काही आहे ते आपल्या माजी क्रिकेटपटू आणि पंचांच्या योगदानामुळे. मासिक पेन्शनमध्ये वाढ झाल्याची घोषणा करताना आम्हाला आनंद होत आहे, जे आमच्या माजी क्रिकेटपटूंच्या भविष्यासाठी महत्वाचे असेल.”
मासिक पेन्शन निश्चित
माहिती देताना बीसीसीआयने सांगितले की, ज्या खेळाडूंना पेन्शन म्हणून 15 हजार रुपये मिळत होते, त्यांना आता 30 हजार रुपये मिळणार आहेत. तर माजी क्रिकेटपटूंना 22 हजार 500 रुपये पेन्शन म्हणून मिळत होती. ती आता वाढवून 45 हजार रुपये मासिक करण्यात येणार आहे. याशिवाय माजी क्रिकेटपटू आणि सामना अधिकाऱ्यांसाठी 30 हजार ते 52 हजार 500, 37 हजार 500 ते 60 हजार आणि 50 हजार ते 70 हजार रुपये मासिक पेन्शन निश्चित करण्यात आली आहे.