Income Tax Raid : गुजरातमधील बड्या व्यावसायिक ग्रुपवर आयकरच छापे, 20 कोटी रुपयांची बेहिशेबी मालमत्ता जप्त
Income Tax Raid : आयकर विभागाने गुजरातमधील एका प्रमुख व्यावसायिक समूहाच्या 58 ठिकाणांवर छापे टाकले आहे. खेडा, अहमदाबाद, मुंबई, हैदराबाद आणि कोलकाता येथे आयकर विभागाने छापेमारी करण्यात आल्याची आहे.
नवी दिल्ली : गुजरातमध्ये आयकर विभागानं (Income Tax) मोठी कारवाई केली आहे. आयकर विभागानं मंगळवारी खेडा, अहमदाबाद, मुंबई (Mumbai), हैदराबाद आणि कोलकाता या ठिकाणी गुजरातमधील प्रमुख व्यावसायिक समूहाच्या 58 ठिकाणांवर छापे टाकले आहेत. या छाप्यात 1000 कोटींहून अधिक रुपयांचे बेहिशेबी व्यवहार उघडकीस आले आहेत. यामुळे गुजरातमध्ये खळबळ उडाली आहे. सेंट्रल बोर्ड ऑफ डायरेक्ट टॅक्सेसनं (CBDT) एका निवेदनात माहिती दिली की छाप्यांदरम्यान 20 कोटी रुपयांची बेहिशेबी रोकड, दागिने, सराफा आणि इतर मालमत्ता जप्त करण्यात आल्या आहेत, अशी माहिती दिली आहे. गुजरातमध्ये ही मोठी कारवाई असल्याचं बोललं जातंय. इतक्या मोठ्या प्रमाणात जप्ती आणि मोठ्या उद्योग समुहावर झालेल्या छाप्याची गुजरातह देशभरात चर्चा आहे.
CBDT ने मंगळवारी पत्रकारांना दिलेल्या निवेदनानुसार, विभागानं 20 जुलै रोजी छापा टाकला होता. शोध मोहिमेच्या परिणामी कागदपत्रे आणि डिजिटल डेटाच्या स्वरुपातील विविध गुन्हे दाखले सापडले आहेत. जप्त करण्यात आले आहेत. छाप्यांमध्ये सापडलेल्या पुराव्यांवरून असे दिसून आले आहे की हा गट विविध पद्धतींचा अवलंब करून मोठ्या प्रमाणावर करचोरी करत होता. यामध्ये खात्याच्या पुस्तकांच्या बाहेर रोख विक्री ठेवणे, फसव्या खरेदीचे बुकिंग आणि व्यवहारातून स्थावर मालमत्तेतून पैशांच्या पावत्या देणे समाविष्ट आहे.
शेल कंपन्यांचा समावेश
कोलकाता येथील शेल कंपन्यांकडून शेअर प्रीमियमच्या माध्यमातून बेहिशेबी व्यवहारांचे थर लावण्यातही हा समूह गुंतलेला असल्याचे निवेदनात म्हटले आहे. दुसरीकडे, अंमलबजावणी संचालनालयाने मंगळवारी सांगितले की त्यांनी 3,986 कोटी रुपयांच्या कथित बँक कर्ज फसवणूक आणि मनी लाँड्रिंग प्रकरणात चेन्नईस्थित सुराणा ग्रुपवर कारवाई करत 51 कोटी रुपयांपेक्षा जास्त किमतीच्या 67 पवनचक्क्या जप्त केल्या आहेत.
चिरीपाल ग्रुपच्या अड्ड्यांवर छापे
काही दिवसांपूर्वी, आणखी एका प्रकरणात, गुजरातमध्ये, कापड, पॅकेजिंग आणि शिक्षणात गुंतलेल्या चिरीपाल समूहाच्या आवारात आयकराच्या छाप्यांमध्ये 25 कोटी रोख आणि 15 कोटी रुपयांचे दागिने सापडले होते. आयकर अधिकाऱ्यांनी एकाच ठिकाणी 25 कोटींची रोकड जमा केली होती. ग्रुपशी संबंधित एका व्यक्तीच्या बंगल्याच्या तपासणीदरम्यान बेडरूमच्या कपाटातून 16 कोटी रुपये रोख सापडले. त्यात 2000 आणि 500 च्या नोटांचे बंडल आहेत. याशिवाय इतर ठिकाणांहून वेगळे नऊ कोटी रुपये जप्त करण्यात आले आहेत.