Mamata Banerjee on Journalist : ममता बॅनर्जींची मोठी घोषणा, सर्व पत्रकारांना कोविड योद्ध्यांचा दर्जा
पश्चिम बंगालमधील विधानसभा निवडणुकीत तृणमूल काँग्रेसने दणदणीत विजय मिळवल्यानंतर मुख्यमंत्री ममता बॅनर्जी यांनी मोठी घोषणा केलीय.
कोलकाता : पश्चिम बंगालमधील विधानसभा निवडणुकीत तृणमूल काँग्रेसने दणदणीत विजय मिळवल्यानंतर मुख्यमंत्री ममता बॅनर्जी यांनी मोठी घोषणा केलीय. त्यांनी राज्यातील सर्व पत्रकारांना कोविड योद्ध्याचा दर्जा देण्याची घोषणा केलीय. त्यामुळे सरकारच्या अनेक योजना आणि सोयी सुविधांचा पत्रकारांना लाभ घेता येणार आहे. त्या कोलकातामध्ये बोलत होत्या (Mmata Banerjee declare all journalists as COVID warriors).
I declare all journalists as COVID warriors: West Bengal CM Mamata Banerjee pic.twitter.com/pxNN7mlnKw
— ANI (@ANI) May 3, 2021
“नंदीग्राममधील निवडणूक अधिकाऱ्याच्या जीवाला धोका”
ममत बॅनर्जी म्हणाल्या, “नंदीग्राममधील निवडणूक अधिकाऱ्याने पुन्हा मतमोजणीला परवानगी दिली तर माझ्या जीवाला धोका असल्याचं पत्र लिहिल्याची माहिती मला मिळाली आहे. तब्बल 4 तास मतमोजणी केंद्रावर सर्व्हर डाऊन होतं. राज्यपालांनीही माझं अभिनंदन केलं होतं. मात्र, अचानक सर्व काही बदललं.”
“भाजप आणि केंद्रीय यंत्रणेने आपल्यावर खूप अत्याचार केला असला तरी शांतता बाळगा”
I appeal to everyone to maintain peace and not indulge in any violence. We know BJP and Central Forces have tortured us a lot but we have to maintain peace. At present, we have fight COVID19: West Bengal CM Mamata Banerjee pic.twitter.com/Q0SnRSi39B
— ANI (@ANI) May 3, 2021
“प्रत्येकाने राज्यात शांतता प्रस्थापित करण्यासाठी प्रयत्न करावी आणि कोणत्याही हिंसक घटनेत सहभागी होऊ नये. आपल्याला माहिती आहे की भाजप आणि केंद्रीय यंत्रणेने आपल्यावर खूप अत्याचार केले आहेत. मात्र, आपल्याला शांतता ठेवायची आहे. सध्या आपल्याला कोविड 19 विरोधात लढायचं आहे,” असंही ममता बॅनर्जी यांनी नमूद केलं.
“देशभरातील कोरोना लसीकरणासाठी केंद्राने 30,000 कोटी रुपयांना मंजूरी द्यावी”
यावेळी ममता बॅनर्जी यांनी केंद्र सरकारकडे लसीकरणाबाबत महत्त्वाची मागणी केलीय. ममता बॅनर्जी म्हणाल्या, “केंद्र सरकारने देशभरात प्रत्येकाचा समावेश असेल अशा व्यापक लसीकरणासाठी 30,000 कोटी रुपये मंजूर करावेत अशी आम्ही विनंती करतो.”
“सर्व लसी आणि ऑक्सिजन केवळ 2-3 राज्यांमध्ये पाठवत आहेत”
“मला मिळालेल्या माहितीनुसार केंद्र सरकार सध्या सर्व लसी आणि ऑक्सिजन केवळ 2-3 राज्यांमध्ये पाठवत आहे,” असाही आरोप ममता बॅनर्जी यांनी केलाय.
ममता बॅनर्जी पश्चिम बंगालमधील विधानसभा निवडणुकीनंतर पक्षाच्या कार्यकर्त्यांशी संवाद साधत आहेत. त्या सध्या कोलकात्यात आहेत.
हेही वाचा :
West Bengal Result : पश्चिम बंगालमध्ये डावे आणि काँग्रेस स्वातंत्र्यानंतर पहिल्यांदाच शुन्यावर!
तुम्ही सांगाल ते करायला न्यायदेवता म्हणजे सीबीआय, ईडी नाही; भुजबळांचा चंद्रकांतदादांवर पलटवार
आसाम-पुद्दुचेरीत बहुमत, केरळातही भोपळाही फोडला नाही, भाजपची विधानसभा निवडणुकीत स्थिती काय?
व्हिडीओ पाहा :
Mmata Banerjee declare all journalists as COVID warriors