Seema Haider | सीमा हैदर आणि सचिन यांच्यात दुरावा! या कारणामुळे सोडलं सासऱ्याचं घर

सीमा हैदर आणि सचिन यांच्यात बिनसलं, झालं असं की घर सोडण्याचा घेतला निर्णय

मुंबई : पाकिस्तानात राहात असलेली सीमा हैदर चार मुलांसह आपल्या प्रेमासाठी भारतात आल्याची चर्चा आपण गेल्या काही दिवसांपासून वाचत आहोत. पण ती भारतात आलीच कशी असा प्रश्नही उपस्थित केला जात आहे. ना विजा ना पासपोर्ट तरी भारताच्या हद्दीत शिरली यामुळे सुरक्षेवरच प्रश्नचिन्ह उपस्थित केलं जात आहे. कोणीही भारतात कसंही घुसू शकतं आणि आरामात राहू शकतो असाच अर्थ आता काढला जात आहे. नेपाळ किंवा बांगलादेशमधून भारतात घुसखोरी करणं किती सोपं आहे आणि देशाच्या सुरक्षेला कसा धोका निर्माण होऊ शकतो यावरून काही तज्ज्ञ मंडळी अंदाज बांधत आहे. अशी चर्चा एकिकडे रंगली असताना सीमा हैदर आणि सचिन मीणा यांच्या लव्हस्टोरीमध्ये ट्विस्ट आला आहे. सीमा आणि सचिन यांच्यात काहीतरी बिनसल्याचं सांगण्यात येत आहे. त्याला कारणही तसंच समोर आलं आहे.

सीमा हैदर आणि सचिन यांच्यात नेमकं काय झालं?

सचिनसोबत ग्रेटर नोएडामध्ये राहणारी सीमा हैदर आता त्याच्यापासून दूर गेल्याचं बोललं जात आहे. सीमा हैदरने प्रियकर सचिन मीणा याचं घर सोडलं आहे. सचिन घर सोडून ती गावातील दुसऱ्या घरात शिफ्ट झाली आहे. हे घरं सचिनच्या ओळखीच्या व्यक्तीचं असल्याचं बोललं जात आहे. सीमाने सचिनसह सासरे आणि कुटुंबापासून दूर जाण्याचा निर्णय घेतल्याचं बोललं जात आहे.

सीमा हैदरने दूर जाण्याचा निर्णय का घेतला?

सचिनच्या घरी मीडियाचा गेल्या काही दिवसांपासून गराडा पडला आहे. तसेच सचिनच्या घरी लोकं सीमासोबत फोट काढण्यासाठी येत होते. त्यामुळे सचिन आणि त्याच्या कुटुंबियांना त्रास होत होता. दुसरीकडे, ती दूर गेल्याने लोकांमध्ये वेगळीच चर्चा रंगली आहे. कारण सचिनच्या घरी गेल्यावर सीमा तिथे नसल्याचं कळत आहे. त्यामुळे वेगवेगळ्या चर्चांना उधाण आलं आहे.

सीमा हैदर हिची एटीएसकडून चौकशी

पाकिस्तानातून सीमा हैदर भारतात आल्याची माहिती मिळताच तपास यंत्रणा सज्ज झाल्या आहेत. युपी एटीएसने तिची सखोल चौकशी केली मात्र त्यांच्या हाती तसं काही लागलं नाही. पण ती चार मुलांसह नेपाळ मार्ग भारतात आल्याची घटना काही साधी नाही हे देखील तितकंच खरं आहे. अनेकांनी तर आयएसआय एजंट असल्याची शक्यता वर्तवली आहे. एजंटंना दिलेली ट्रेनिंग पाहता ते काहीच सांगत नाही अशीही चर्चा रंगली आहे.