Raj Thackeray: भोंग्याचा मुद्दा यूपीपर्यंत पोहोचला? योगी म्हणतात, ‘धार्मिक परिसराच्या बाहेर आवाज जाता कामा नये’
Loud speakers at religious point: उत्तर प्रदेशात धार्मिक मिरवणुका, शोभायात्रा यांच्यावरही बंधनं घालण्यात आली आहे. शोभायात्रा, मिरवणुका काढण्यासाठी परवानगी शिवाय काढता येणार नाहीत.
एकीकडे राज ठाकरेंनी (Raj Thackeray) भोंग्याचा मुद्दा उपस्थित केल्यानंतर तिकडे उत्तर प्रदेशातही (Uttar Pradesh) भोंग्याबाबत महत्त्वाचा निर्णय घेण्यात आला आहे. उत्तर प्रदेश सरकारनं धार्मिक उपासना करण्यात येणाऱ्या ठिकाणी माईकचा आवाज किंवा लाऊडस्पीकरचा आवाज हा त्या परिसरापुरता मर्यादित असावा, असं म्हटलंय. तसे आदेशही जारी करण्यात आले आहेत. उत्तर प्रदेशचे मुख्यमंत्री योगी आदित्यनाथ (UP CM Yogi Adityanath) हा आदेश देताना महत्त्वपूर्ण टिप्पणीही केली आहे. आवाज त्या त्या ठिकाणची परिसराबाहेर येता कामा नये, असं म्हटलं आहे. प्रत्येक धर्माला त्यांच्या त्यांच्या पद्धतीनं प्रार्थना करण्याचा अधिकार आहे. त्यासाठी माईक, स्पीकर यांचा वापरही करण्यास हरकत नाही. मात्र कुणाचाही अडथळा करुन जी गोष्टी केली जाते, त्याला प्रार्थना म्हणता येऊ शकत नाही, असंही सांगण्यात आलंय. त्याच प्रमाणेत नव्या आदेशानुसार नव्यानं माईक लावण्यासाठी परवनागी देऊ नये, असे आदेश यूपी सरकारकडून जारी करण्यात आले आहेत.
राज ठाकरेंनी महाराष्ट्रात मशिदींवरील भोंग्यांच्या विरोधात आवाज उठवला होता. राज ठाकरेंनी तीन मे पर्यंत मशिदींवर भोंग्यावर कारवाई करण्याचा अल्टिमेटम राज्य सरकारला दिला आहे. त्यावरुन महाराष्ट्रातील राजकारण ढवळून निघालंय. अशातच उत्तर प्रदेशातील योगी सरकारकडूनही महत्त्वपूर्ण आदेश जारी करण्यात आलेत.
शोभायात्रा, मिरवणुकांबाबत…
उत्तर प्रदेशात धार्मिक मिरवणुका, शोभायात्रा यांच्यावरही बंधनं घालण्यात आली आहे. शोभायात्रा, मिरवणुका काढण्यासाठी परवानगी शिवाय काढता येणार नाहीत. शोभायात्रा काढायची असेल, तर त्यासाठी शांती कायम राहिल, यासाठीची एक वचन आयोजकांकडून घेतलं जाईल.
त्यासाठी एक पत्रही आयोजकांकडून घेण्यात येईल. फक्त पारंपरिक आयोजकांना शोभायात्रेसाठी परवानगी देण्यात येईल. नव्या आयोजकांना गरज नसताना परवानही देऊ नये, असा सल्लाही देण्यात आला आहे.
पाहा – काय म्हणाले मुख्यमंत्री योगी?
कोई शोभायात्रा/धार्मिक जुलूस बिना विधिवत अनुमति के न निकाली जाए। अनुमति से पूर्व आयोजक से शांति-सौहार्द कायम रखने के संबंध में शपथ पत्र लिया जाए।
अनुमति केवल उन्हीं धार्मिक जुलूसों को दिया जाए, जो पारंपरिक हों, नए आयोजनों को अनावश्यक अनुमति न दी जाए:#UPCM श्री @myogiadityanath जी— CM Office, GoUP (@CMOfficeUP) April 18, 2022
यूपातही राज ठाकरे इफेक्ट..?
दरम्यान, उत्तर प्रदेशमध्ये नेमक्या या सगळ्या घडामोडी घडण्यामागचं कारण राज ठाकरे इफेक्ट आहे की आणखी काही, असाही सवाल उपस्थित केला जातो आहे. खरंतर रामनवमीच्या दिवशी देशभरात वेगवेगळ्या ठिकाणी काही हिंसक घटना घडल्या.
या घटना सामाजिक शांती भंग करणाऱ्या होता. गुजरात, झारखंड, पश्चिम बंगाल, कर्नाटक आणि गोव्यात घडलेल्या काही घटनानंतर चिंता व्यक्त केली गेली. या सर्व घटनांचा विचार करता उत्तर प्रदेशातही खबरदारी बाळगली जाते आहे. त्यानुसार नव्यानं काही नियम जारी करण्यात आले आहेत.