मलिकने आझादी च्या नावाने जम्मू-काश्मीरमध्ये दहशतवादी आणि इतर बेकायदेशीर कारवाया करण्यासाठी निधी गोळा करण्याच्या उद्देशाने जगभरात नेटवर्क तयार केले होते, असे न्यायालयाने म्हटले आहे. याप्रकरणी एनआयएने स्वत:हून दखल घेत 30 मे 2017 रोजी गुन्हा दाखल केला होता.
यासिन मलिक
Image Credit source: tv9 marathi
Follow us on
नवी दिल्ली : फुटीरतावादी नेता यासिन मलिकवर (Yasim malik) कोर्टात सध्या जोरदार युक्तिवाद सुरू आहे. एनआयएने पटियाला कोर्टाकडे (Pariyala Court) यासिनला फाशीची शिक्षा द्यावी ही विनंती केली आहे. मात्र यावरून जम्मू-काश्मीरमध्ये (Jammu Kashmir) पुन्हा तणावाचे वातावरण तयार झाले आहे. यासिनच्या समर्थकांकडून पुन्हा जोरदार दगडफेक करण्यात आली आहे. तसेच यासिन मलिकच्या श्रीनगरमधील घराबाहेर काही तरुण जमले आहेत. ते यासिनच्या समर्थनार्थ घोषणाबाजी करत आहेत. त्यामुळे श्रीनगरमध्ये मोठी सुरक्षा व्यवस्था तैनात करण्यात आली आहे. तर दुसरीकडे पोलिसांनी ड्रोनच्या माध्यमातून या परिसरावर आणि यासिनच्या घरावर नजर ठेवली आहे. याआधी गुरुवारी कोर्टाने टेरर फंडिंग प्रकरणात दोषी ठरवले होते. यासीन मलिकने सुनावणीदरम्यान काश्मीरमधील दहशतवादी कारवायांमध्ये सहभागी असल्याची कबुली दिली होती. यासीन मलिकच्या वकिलाने केलेल्या युक्तीवावेळी त्याच्या मालमत्तेची माहिती समोर आली आहे. मलिक यांच्याकडे 11 कनाल म्हणजे सुमारे 5564 चौरस मीटर जमीन आहे, ती त्यांनी वडिलोपार्जित म्हणून सांगितली आहे. याआधी यासिन मलिकला दिल्लीच्या पटियाला कोर्टात हजर करण्यात आले होते. या शिक्षेवर न्यायालयात युक्तिवाद झाला. यानंतर न्यायालयाने निर्णय राखून ठेवला.
एनआय वृत्तसंस्थेचे ट्विट
#WATCH | Terror funding case: Yasin Malik produced in the courtroom in NIA court, Delhi, ahead of the sentencing order. pic.twitter.com/ymfkN6PK4d
पटियाला कोर्ट कॉम्प्लेक्समध्ये सुरक्षा व्यवस्था वाढवण्यात आली आहे. पटियाला कोर्टाबाहेर CAPF, स्पेशल सेलचे कर्मचारी तैनात करण्यात आले आहेत. मलिकने ‘आझादी’च्या नावाने जम्मू-काश्मीरमध्ये दहशतवादी आणि इतर बेकायदेशीर कारवाया करण्यासाठी निधी गोळा करण्याच्या उद्देशाने जगभरात नेटवर्क तयार केले होते, असे न्यायालयाने म्हटले आहे. याप्रकरणी एनआयएने स्वत:हून दखल घेत 30 मे 2017 रोजी गुन्हा दाखल केला होता. या प्रकरणी 18 जानेवारी 2018 रोजी डझनहून अधिक जणांविरुद्ध आरोपपत्र दाखल करण्यात आले होते.
कोणत्या कलमांतर्गंत यासीन दोषी?
कलम 16 (दहशतवादी कारवाया), 17 (दहशतवादी कारवायांसाठी निधी उभारणे), 18 (दहशतवादी कृत्य करण्याचा कट) आणि 20 (दहशतवादी गट किंवा संघटनेचा सदस्य असणे) या कलमांसाठी तो दोषी असल्याचे यासीन मलिकने न्यायालयाला सांगितले होते. UAPA आणि भारतीय दंड संहितेच्या कलम 120-B (गुन्हेगारी कट) आणि 124-A (देशद्रोह) अशा विविध गुन्ह्यात यासिनला दोषी ठरवण्यात आले आहे.
आधीही अनेकजण अटकेत
यापूर्वी फारुख अहमद दार उर्फ बिट्टा कराटे, शाबीर शाह, मसरत आलम, मोहम्मद युसूफ शाह, आफताब अहमद शाह, अल्ताफ अहमद शाह, नईम खान, मोहम्मद अकबर खांडे, राजा मेहराजुद्दीन कलवाल, बशीर अहमद भट, जहूर अहमद शाह वताली, फरार अहमद शाह यांना अटक केली होती. शब्बीर अहमद शाह, अब्दुल रशीद शेख आणि नवलकिशोर कपूर यांच्यासह काश्मिरी फुटीरतावादी नेत्यांवर आरोप निश्चित करण्यात आले. लष्कर-ए-तैयबाचा संस्थापक हाफिज सईद आणि हिजबुल मुजाहिद्दीनचा प्रमुख सय्यद सलाहुद्दीन यांच्याविरुद्धही आरोपपत्र दाखल करण्यात आले होते, ज्यांना या प्रकरणात फरार गुन्हेगार असे जाहीर करण्यात आले होते.
