वय वर्षे फक्त १०१!, वाढदिवसाचे सेलिब्रेशन झाले धुमधडाक्यात, चर्चा तर होणारच
गणपती नाटुले असं या आजोबांचं नाव. त्यांनी प्रकृती व्यवस्थित जपल्याने १०१ वं वर्षे पार केलं. त्यामुळे नातवांनी त्यांचा वाढदिवस धुमधडाक्यात साजरा केला.
कोल्हापूरच्या करवीर तालुक्यातील केर्ली येथे एका 101 वर्षांच्या आजोबांचा वाढदिवस नातवांनी साजरा केला आहे. वयाचे 101 वर्षे पूर्ण केल्याने घरच्यांनी अगदी उत्साहात त्यांचा वाढदिवस साजरा केला आहे.
101 वर्षीय आजोबांच्या वाढदिवसानिमित्त त्यांनी गावजेवणसुद्धा घातले आहे. गणपती गोविंद नाटूले असे या आजोबांचे नाव आहे. आपला नातवांनी उत्साहात वाढदिवस साजरा केल्याचे पाहून आजोबा भारावून गेले होते.
डोक्यावर भगवा फेटा घालून सजवलेल्या खुर्चीवर बसून अगदी रुबाबात केक कट केला. त्यानंतर त्यांना शुभेच्छा देण्यासाठी अवघं गाव जमलं होत. त्यांच्या या वाढदिवसाची संपूर्ण पंचक्रोशीतील चर्चा सुरू आहे.
वाढदिवस हा सर्वात स्मरणीय क्षण. प्रत्येक वर्षी आपला वाढदिवस केव्हा येतो, याची वाट लोकं पाहत असतात. त्यात १०० पार करणं हे खूप कठीण झालं. या आजोबांनी हे दिव्य पार पाडलं. याचं कारण तेच सांगू शकतात.
आपला कधी वाढदिवस साजरा होईल, याची कल्पना गणपती नाटुले यांनी केली नसेल. पण, आजोबांनी १०१ वं वर्ष काढलं. याचा नातवांना खूप आनंद झाला. त्यामुळे त्यांनी धुमधडाक्यात वाढदिवस साजरा करून अख्या गावाला जेवण दिलं.