बॉलिवूड अभिनेत्री अनुष्का शर्मा तिच्या उत्कृष्ट अभिनयासाठी ओळखली जाते. तिने बॉलिवूडला अनेक हिट चित्रपट दिले आहेत. अनुष्काने आपल्या करिअरची सुरुवात मॉडेल म्हणून केली होती. वयाच्या 19 व्या वर्षी तिने किंग खान, शाहरुख सोबत काम करत'रब ने बना दी जोडी' या चित्रपटाद्वारे बॉलिवूडमध्ये पदार्पण केले. (photos : Instagram)
अनुष्काने तिच्या एका मुलाखतीत सांगितले होते की ती उच्च मध्यमवर्गीय कुटुंबातील आहे. तिचे वडील सैन्यात होते.
अनुष्काने तिची पहिली कार स्वतःच्या पैशाने खरेदी केली होती. तेव्हा ती फक्त 18 वर्षांची होती. तर तिच्या पहिल्या चित्रपटाच्या यशानंतर तिने स्वतःचे घरही विकत घेतले.
मी मुंबईत माझे स्वतःचे घर विकत घेतले आणि तेही चार वर्षांतच... हा सर्व एक विशेष, विलक्षण अनुभव होता. आणि माझं यश पाहून माझ्या भावाने मला पत्र लिहीलं होतं, ते जास्त स्पेशल होत. ' एवढ्या लहान वयात तू जे यश मिळवलंस ते पाहून मला तुझा खूप अभिमान वाटतो' असं त्याने लिहीलं होतं. त्याचं ते कौतुक माझ्यासाठी खूप खास होतं.
तिने एक गमतीदार किस्साही शेअर केला. अनुष्काच्या चुलतभावाने तिचा ऑडोग्राफ पाठवायला सांगितला होता. दिल्लीत माझा चुलत भाऊ होता, तो म्हणायचा ताई, प्लीज तुझा ऑटोग्राफ मला पाठव. मी तो शाळेत 10-10 रुपयांत विकेन. अशी गंमतही तिने सांगितली.