PHOTO : APMC मार्केटमध्ये मोफत मास्क घेण्यासाठी झुंबड, संचालकांनी फोटो काढण्यासाठी मास्क काढला
कोरोनाचे हॉटस्पॉट ठरलेल्या एपीएमसी मार्केटमध्ये पुन्हा सोशल डिस्टन्सिंगचा फज्जा उडाला आहे. (APMC Mask Distribution social distancing)
- कोरोनाचे हॉटस्पॉट ठरलेल्या एपीएमसी मार्केटमध्ये पुन्हा सोशल डिस्टन्सिंगचा फज्जा उडाला आहे. एपीएमसी मार्केटमध्ये मास्क घेण्यासाठी चांगलीच झुंबड उडाली होती.
- एपीएमसी मार्केट
- नवी मुंबईच्या एपीएमसी बाजार आवारातील पाच मार्केटमध्ये रिलायन्स फाऊंडेशनतर्फे 50 हजार मास्कचे वाटप करण्यात आले. भाजीपाला मार्केटमध्ये जवळपास 700 गाड्यांची आवक झाल्याने आधीच गर्दी होती.
- त्यामुळे एपीएमसी मार्केटमध्ये मास्क घेण्यासाठी चांगलीच झुंबड उडाली होती. एपीएमसी मार्केट हा कोरोनाचा हॉटस्पॉट ठरला होता. त्यामुळे हे व्यापारी आणि कर्मचारी कोरोनामुक्त राहावेत या भावनेने मार्केटमध्ये मास्क वाटप करण्यात आले.
- भाजीपाला मार्केटमधील संचालक यांना गर्दी आटोक्यात आणणे अपेक्षित होते. पण संचालक दुसऱ्याने वाटप केलेले मास्क देतानाचे फोटो काढण्यात मग्न होत असल्याचे पाहायला मिळाले.
- तर जमावाला आवाज देण्यासाठी स्वतः घातलेले मास्क काढून बोलत होते. त्यामुळे भाजीपाला मार्केटमध्ये मास्क वाटप कार्यक्रमाचे तीनतेरा वाजले.
- भाजीपाला मार्केट परिसरात मास्क वाटप करताना प्रचंड गर्दी पाहायला मिळाली. त्यामुळे सोशल डिस्टन्सिंगचा फज्जा उडाला होता. एपीएमसीत नियोजन शून्य कार्यक्रमाचे आयोजन केल्याने सुरक्षा रक्षकांना येथील गर्दी आवरता आली नाही.
- तर एपीएमसी प्रशासनाने यात लक्ष न घातल्याने येथील गर्दी आवरण्यात सुरक्षा रक्षकांना अपयश आले. पण मास्क घेण्यासाठी कोरोना मार्गदर्शक तत्वे गुंडाळून ठेवून प्रचंड गर्दी करण्यात आली.
- कुठेही सोशल डिस्टन्सिंग पाळण्यात न आल्याने भाजीपाला मार्केटमध्ये गर्दी पाहायला मिळाली.
- गर्दी आटोक्यात येत नसल्याने शेवटी महापालिका कर्मचारी आणि पोलिसांना पाचारण करण्यात आले.
- आले. पालिका वाहनाने सायरन दिल्याने काही गर्दी पांगली गेली. तर पोलीस आल्यानंतर जमावाला हटवून काही वेळासाठी मास्क वाटप बंद करण्यात आले.