नऊवारी साडी, हिरवा चुडा अन्… ‘आई कुठे काय करते’मधील अभिनेत्री अडकली विवाहबंधनात, फोटो समोर
या दोघांच्या विवाह सोहळ्यासाठी अश्विनी महांगडे, कृतिका देव, अभिषेक देशमुख ही कलाकार मंडळी उपस्थित होते. कौमुदी आणि आकाशवर संपूर्ण मराठी कलाविश्वातून कौमुदीवर शुभेच्छांचा वर्षाव करण्यात येत आहे.
छोट्या पडद्यावरील लोकप्रिय कार्यक्रम असलेल्या ‘आई कुठे काय करते’ मालिकेने काही दिवसांपूर्वी प्रेक्षकांचा निरोप घेतला. या मालिकेतील प्रत्येक पात्राने घराघरांत लोकप्रियता मिळवली. या मालिकेत आरोहीची भूमिका साकारणारी अभिनेत्री कौमुदी वलोकर लग्नबंधनात अडकली.
कौमुदी वलोकरने इन्स्टाग्रामवर तिच्या लग्नाचे काही फोटो शेअर केले आहेत. या फोटोला तिने हटके कॅप्शनही दिले आहेत.
कौमुदी वलोकरने आकाश चौकसेसोबत लग्नगाठ बांधली. आकाश हा कलाविश्वापासून दूर असून उच्चशिक्षित आहे. त्याने एज्युकेशन विषयात पीएचडी पूर्ण केली आहे.
कौमुदीने लग्नावेळी निळ्या रंगाची नऊवारी साडी, गुलाबी शेला अन् ब्लाऊज, पारंपरिक भरजरी दागिने, हातात हिरवा चुडा असा मराठमोळा लूक केला होता.
आकाशने ऑफ व्हाईट रंगाचा सदरा आणि त्यावर निळ्या रंगाचा शेला परिधान केला होता.
कौमुदीने वलोकरने ‘साथ सात जन्माची’ असे कॅप्शन दिले आहे.
कौमुदी आणि आकाशच्या लग्नाच्या फोटोवर नेटकऱ्यांनी कौतुकाचा वर्षाव केला आहे.
या दोघांच्या विवाह सोहळ्यासाठी अश्विनी महांगडे, कृतिका देव, अभिषेक देशमुख ही कलाकार मंडळी उपस्थित होते. कौमुदी आणि आकाशवर संपूर्ण मराठी कलाविश्वातून कौमुदीवर शुभेच्छांचा वर्षाव करण्यात येत आहे.
