सध्या सोशल मीडियाचा जमाना आहे. सोशल मीडियावर तुम्हाला प्रसिद्धी मिळते. जगाच्या कामाकोपऱ्यातील माणसांपर्यंत तुम्ही पोहचू शकता. तसं या माध्यमाचे काही तोटेदेखील आहेत. काही लोक तुमच्याबाबत वाईट शब्दात कमेंट करून तुमचं मनोबल खचवू शकतात. यावर अभिनेता गौरव मोरे याने भाष्य केलंय.
सोशल मीडियावर होणाऱ्या ट्रोलिंगवर अभिनेता गौरव मोरे याने एका मुलाखतीदरम्यान प्रतिक्रिया दिली आहे. गौरवने ट्रोलर्सना मोजक्या शब्दात सुनावलं आहे. एका कमेंटला एक रूपया आकारला गेला तर मग हे असं ट्रोल कराल का? अशा कमेंट कराल का? असं गौरव म्हणाला आहे.
प्रत्येकाला बोलण्याचा अधिकार आहे. तुम्ही तुमचं मत मांडू शकता. आपण काय बोलतोय याचं भान आपल्याला असलं पाहिजे. आपल्या बोलण्यामुळे दुसऱ्याला त्रास होता कामा नये, असं गौरव म्हणाला.
अनेकदा प्रोफाईल लपवून कमेंट केल्या जातात. ओळख लपवून कमेंट केली जाते. काहीही बोललं जातं. पण या लोकांना मला एक सांगायचं आहे की, असं प्रोफाईल लपवून कमेंट केल्याने मला काहीही फरक पडत नाही, असंही गौरव या मुलाखतीदरम्यान म्हणाला.
'महाराष्ट्राची हास्य जत्रा' कॉमेडी शोमधून गौरव मोरे महाराष्ट्राच्या घराघरात पोहोचला. सध्या तो सोनी मराठीवरील 'मॅडनेस मचायेंगे' या कार्यक्रमात झळकतो आहे. गौरवचं कॉमेडीचं टायमिंग प्रेक्षकांना आवडतं.