तो सारखा घरी यायचा, एकदा तर…; रिंकू राजगुरुच्या आयुष्यातील ‘तो’ प्रसंग
Sairat Fame Actress Rinku Rajguru Share Her Experience : सैराट सिनेमाने सिनेरसिकांच्या मनावर अधिराज्य गाजवलं. या सिनेमातील अभिनेत्री रिंकू राजगुरू हिचा मोठा चाहता वर्ग आहे. एका चाहत्याबाबतचा अनुभव रिंकूने शेअर केला. तो धक्कादायक प्रसंग काय होता? वाचा सविस्तर...
मुंबई | 10 मार्च 2024 : सैराट... या सिनेमाचं प्रेक्षकांच्या मनावर गारूड आहे. हा सिनेमा आला तेव्हा तर या रसिकांनी या सिनेमाला डोक्यावर घेतलं. या सिनेमाची प्रचंड लोकप्रिय झाला. या सिनेमातील कलाकार जिथे जायचे तिथे लोक गर्दी करायचे. रिंकूने एक प्रसंग शेअर केला.
झी मराठीवरील 'बस बाई बस' या कार्यक्रमात रिंकूने सैराटनंतरचा एक अनुभव शेअर केला. एका कार्यक्रमासाठी मी गेले होते. तेव्हा नॉर्मल जसं आपण एखाद्याकडे बघून स्माईल करतो. तसं मी एका व्यक्तीला बघून स्माईल दिली, असं रिंकूने सांगितलं.
पुढे रिंकू म्हणाली, समोर चाहत्यांची गर्दी होती. या गर्दीत पाहून मी हाय केलं. तो व्यक्ती कोण होता हे देखील मला माहिती नाही. एके दिवशी तो आमच्या घरी आला. सु्ट्टीचा दिवस असल्याने आई-बाबा घरी होते. घरी लोक भेटायला येतात. तसंच कुणी आलं असेल, असं बाबांना वाटलं.
तो म्हणाला, मला तुमच्या मुलीशी लग्न करायचं आहे.तिने माझ्या डोळ्यात बघितलंय. ती रुक्मिणीचा अवतार आहे आणि मागच्या जन्मी देवच होतो. त्यामुळे या जन्मात माझं तिच्याशी लग्न व्हायला पाहिजे. हे ऐकून आई-बाबा आम्ही सगळेच आश्चर्यचकित झालो, असं रिंकू म्हणाली.
तो सारखं घरी येऊ लागला. एकदा माझा पेपर संपला. बाहेर आले तर तो पैशांची पिशवी घेऊन उभा होता. ही फॅन मुव्हमेंट असली. तरी तितकंच भितीदायक पण होतं. त्याने आम्हाला बराच त्रास दिला. आजी किंवा मी एकटी घरी असतानाही तो यायचा. शेवटी आम्हाला पोलिसात तक्रार करावी लागली, असं रिंकूने सांगितलं.
