Coronavirus: फक्त औषधेच नव्हे, या घरगुती उपायांनीही होऊ शकतो बचाव
चीनमध्ये कोरोनाचा कहर वाढत असून त्यामुळे जगभरातील देशांमध्ये पुन्हा एकदा चिंतेचं वातावरण आहे. दोन वर्षांपूर्वी कोरोनाने जगात धुमाकूळ घातला होता. हा व्हायरस आता चीनमध्ये पुन्हा सक्रिय झाला आहे. भारतात आजाराच्या उपचारांसाठी औषधांसोबत काही घरगुती उपायही केले जातात. रोगप्रतिकारक शक्ती वाढवण्यासाठी काही घरगुती उपाय जाणून घेऊया.
काढा : गेल्या वेळेस भारतात कोरोनाची सुरूवात झाल्यानंतर अनेक लोकांनी औषधी वनस्पतीयुक्त काढा पिण्यास सुरूवात केली होती. रोगप्रतिकारक शक्ती वाढवण्यासाठी हा उत्तम ठरतो. मात्र त्याचे सेवन एका ठराविक प्रमाणातच केले पाहिजे.
आवळा ठरतो फायदेशीर : कोविडपासून बचावासाठी आवळा हा एक देशी औषध ठरू शकतो. आवळ्यामध्ये अनेक गुणधर्म असतात , जे आपल्या चांगल्या आरोग्यासाठी फायदेशीर ठरतात. आवळा कँडी, मुरंबा किंवा इतर कोणत्याही स्वरूपात तुम्ही त्याचे सेवन करू शकता.
योगासने : गेल्या काही वर्षांत योगाचे महत्व संपूर्ण जगातील लोकांना चांगल्या प्रकारे समजले आहे. तुम्ही नियमितपणे योग करत असाल तर कोरोनाच काय आरोग्याच्या इतर समस्याही तुमच्यापासून लांब राहतील.
अन्न : व्हिटॅमिन सी युक्त पदार्थांचे जास्त सेवन केलं पाहिजे, मात्र तेही एका ठराविक प्रमाणातच , अन्यथा त्रास होऊ शकतो. हिवाळ्यात व्हिटॅमिन सी चा उत्तम स्त्रोत म्हणजे संत्रं. ते केवळ चविष्टच नाही, तर त्याचे आरोग्यालाही अनेक फायदे आहेत. लहान मुलं असोत किंवा मोठी माणसं , सर्वजण आवडीने हे फळ खातात.
