कुठे गाडी बुडाली, तर कुठे भला मोठा खड्डा पडला; दिल्लीच्या पावसाचे अपडेट पाहा…
Delhi Heavy Rain Today Update Photos : रस्त्यांना नद्यांचं रूप, पावसाच्या पाण्यातून काढावा लागतो दिल्लीवासीयांना रस्ता; पाहा फोटो...
राजधानी दिल्लीत पावसाचा कहर पाहायला मिळतोय. मागच्या 40 वर्षांचा रैकॉर्ड मोडत पावसाने धुव्वाधार बॅटिंग केली.
सध्याची परिस्थिती पाहता उत्तर भारतातही धो-धो पाऊस बरसतोय. त्यामुळे येत्या काळात यमुना नदीची जल पातळी अधिक वाढण्याची भीती व्यक्त होत आहे.
मंगळवारपर्यंत यमुना नदीची पाणी पातळी 205.33 मीटरपर्यंत वाढणार असल्याचं सांगण्यात येत आहे. त्यामुळे खबरदारी म्हणून दिल्ली, गुरुग्राम, फरिदाबाद, नोएडा, गाजियाबाद या भागातील शाळा बंद ठेवण्याचे आदेश देण्यात आले आहेत.
पुढचे पाच दिवस दिल्लीत मुसळधार पावसाची शक्यता वर्तवण्यात आली आहे. दिल्लीचे मुख्यमंत्री अरविंद केजरीवाल यांनी प्रशासनाला सतर्क राहण्याच्या सूचना दिल्या आहेत.
नागरिकांनी सतर्क राहण्याच्या सूचना देण्यात आल्या आहेत. तसंच दिल्लीतील नागरिकांनीही स्वत: ची काळजी घ्यावी, असं आवाहन प्रशासनाने केलं आहे.
