अजित पवार-अमोल कोल्हेंसोबत बसलेली ही चिमुकली आहे राष्ट्रवादीच्या बड्या नेत्याची कन्या
राष्ट्रवादीचे खासदार डॉ. अमोल कोल्हे, माजी उपमुख्यमंत्री अजित पवार यांच्या पुढ्यात धिटाईने बसलेली ही चिमुकली आहे विधानपरिषदेचे विरोधी पक्षनेते धनंजय मुंडे यांची कन्या आदिश्री.
राष्ट्रवादीचे खासदार डॉ. अमोल कोल्हे, माजी उपमुख्यमंत्री अजित पवार यांच्या पुढ्यात धिटाईने बसलेली ही पिटुकली पाहून अनेक जण आश्चर्यचकित झाले.
ही चिमुरडी कोण आहे, हा प्रश्न सगळ्यांनाच पडला होता. ही चिमुकली आहे धनंजय मुंडे यांची कन्या आदिश्री.
धनंजय मुंडे हे राष्ट्रवादीचे नेते आणि विधानपरिषदेचे विरोधी पक्षनेते आहेत
राष्ट्रवादी काँग्रेसच्या शिवस्वराज्य यात्रेचा दुसरा टप्पा सुरु झाला आहे. बीड जिल्ह्यात राष्ट्रवादीकडून मोठं शक्तिप्रदर्शन करत रॅली काढण्यात येत आहे.
परळीमध्ये अजित पवार यांच्या उपस्थितीत शहरातून मोठी रॅली काढून एका भव्य सभेचे आयोजन करण्यात आलं होतं.
एकीकडे अमोल कोल्हेना पाहण्यासाठी गर्दी होत असताना दुसरीकडे मात्र धनंजय मुंडे यांची कन्या आदिश्रीने व्यासपीठावर लावलेल्या उपस्थितीमुळे तिचीच चर्चा पाहायला मिळाली.
एखाद्या राजकीय नेत्याप्रमाणे हात वारे करत तिने सर्वांनाच आकर्षित केले.
राष्ट्रवादीच्या गाण्यावर थिरकतानाही आदिश्री पहायला मिळाली.
