Photo : मुंबईत काँग्रेसचं भाजपा विरोधात एल्गार, पाहा आंदोलनाचे फोटो
काँग्रेस नेते भाई जगताप यांनी मुंबई काँग्रेसचे अध्यक्षपद स्वीकारल्यानंतर मुंबईत काँग्रेस अधिकच आक्रमक झाली आहे.(Elgar of Congress against BJP in Mumbai, see photos of the agitation)
काँग्रेस नेते भाई जगताप यांनी मुंबई काँग्रेसचे अध्यक्षपद स्वीकारल्यानंतर मुंबईत काँग्रेस अधिकच आक्रमक झाली आहे. त्यातच केंद्र सरकारने इंधन दरवाढ आणि गॅस दरवाढ करून काँग्रेसच्या हाती आयतंच कोलीत दिल्याने भाईंनी हा मुद्दा हायजॅक करत आज मुंबईत प्रचंड ‘निषेध मोर्चा’ काढला आहे.
संविधान निर्माते डॉ. बाबासाहेब आंबेडकर यांच्या दादर येथील राजगृह या निवासस्थानावरून या निषेध मोर्चाला सुरुवात झाली असून सकाळी सकाळीच या मोर्चाला हजारो काँग्रेस कार्यकर्त्यांनी हजेरी लावल्याने काँग्रेस मुंबईत कात टाकत असल्याचं दिसत आहे.
मुंबई महापालिका निवडणुकीच्या पार्श्वभूमीवर काँग्रेसकडून हे शक्तीप्रदर्शन सुरू असल्याची चर्चाही सुरू झाली आहे.
केंद्रीय अर्थसंकल्प सादर केल्यानंतर अर्थमंत्री निर्मला सीतारामण या आज मुंबईत येत आहेत. दादरच्या योगी सभागृहात त्यांचं भाषण होणार आहे. या पार्श्वभूमीवर भाई जगताप यांनी काँग्रेसच्या नेतृत्वात मुंबईत निषेध रॅलीचं आयोजन करण्यात आलं आहे.
राज्याच्या मंत्री वर्षा गायकवाड, चरणजीत सप्रा, नसीम खान आणि सचिन सावंत यांच्यासह काँग्रेसचे दिग्गज नेते या रॅलीला उपस्थित आहे.
दादरमधील डॉ. बाबासाहेब आंबेडकर यांच्या राजगृह या निवासस्थानापासून निघालेल्या या रॅलीला हजारो काँग्रेस कार्यकर्ते उपस्थित आहेत.
राजगृहापासून ते रुईया कॉलेज ते स्वामीनारायण मंदिरापर्यंत प्रचंड गर्दी होती. हातात फलक, झेंडे घेत मोर्चेकरी घोषणा देत असल्याने संपूर्ण परिसर दणाणून गेला होता.
यावेळी मोठ्या प्रमाणात पोस्टबाजी करण्यात आली.
