PHOTO : बिनकामाचे घराबाहेर पडण्यापूर्वी या चिता बघा, नगरमध्ये मृतदेहांचे खच, एकाचवेळी 22 अंत्यसंस्कार
बीडमध्ये एकाचवेळी 8 मृतदेहांवर संस्कार केल्याची घटना ताजी असताना, अहमदनगरमध्येही एकाचवेळी 22 जणांवर अत्यसंस्कार करण्याची वेळ आली.
कोरोनाचं थैमान वाढल्याचं दिसतंय, पण त्याची भीषणता सध्या नगर (Ahmednagar funeal on 22 corona patients) जिल्ह्यात जाणवत आहे.
नुकतंच बीडमध्ये एकाचवेळी 8 मृतदेहांवर संस्कार केल्याची घटना ताजी असताना, अहमदनगरमध्येही एकाचवेळी 22 जणांवर अत्यसंस्कार करण्याची वेळ आली. अहमदनगर येथील अमरधाममध्ये हे हृदयद्रावक चित्र समोर आलं.
अमरधाममध्ये सरणावर एकाचवेळी 22 मृतदेहांवर अंत्यसंस्कार करण्याची वेळ आली. तर विद्युत दाहिनीत दिवसभरात 20 मृतदेहांवर अंत्यसंस्कार करण्यात आले.
त्यामुळे एकाच दिवसात तब्बल 42 जणांवर अंत्यसंस्कार करण्यात आले. दरम्यान शववाहिनीतून एकाचवेळी 6 मृतदेह भरून अमरधाममध्ये नेण्याची नामुष्की महानगरपालिकेवर ओढावली.
अहमदनगर जिल्ह्यात कोरोनाचा प्रादुर्भाव वाढत असून, कोरोनामुळे आत्तापर्यंत 1270 जणांचा मृत्यू झाला आहे.
जिल्हा प्रशासनाने काल गुरुवारी 8 एप्रिलला दिलेल्या आकडेवारीत 15 जणांचा मृत्यू झाल्याची माहिती दिली आहे.
त्यामुळे संख्येचा ताळमेळ बसत नाही. नगर जिल्हयात सध्या 11 हजार 237 अॅक्टिव्ह रुग्ण आहेत.