HDFC Bank ने केली कमाल; जगातील टॉप 10 बँकांमध्ये असा मिळाला मान, SBI या क्रमांकावर तर ICICI बँक यादीत कुठे?
Top 25 Banks : जागतिक बँकेच्या यादीत भारतीय खासगी बँक एचडीएफसीने मोठी भरारी घेतली आहे. सर्वात मोठ्या बँकेच्या यादीत बँकेने 10 वे स्थान पटकावले आहे. तर देशातील सरकारी बँक एसबीआय या क्रमांकावर आहे.
तर देशातील सर्वात मोठी खासगी बँक HDFC ने कमाल केली. गुंतवणूकदारांनी जोरदार कमाई केली. एचडीएफसीच्या शेअरने जवळपास 32 हजार कोटी रुपयांची कमाई केली.
एचडीएफसी बँकेचे बाजारातील मूल्यांकन 2024 मधील दुसऱ्या तिमाही अखेर 17 टक्के वाढले होते. बँकेचे बाजारातील भांडवल 154.4 अब्ज डॉलरपेक्षा अधिक आहे.
ग्लोबल डेटानुसार, एचडीएफसी, एसबीआय आणि आयसीआयसीआय या तीनही भारतीय बँका सर्वाधिक कर्ज वाटप करणाऱ्या आहेत. या तीनही बँकेच्या मार्केट कॅपमध्ये जूनच्या तिमाही अखेर वाढ नोंदविण्यात आली आहे.
डेटानुसार, जागतिक यादीत एचडीएफसी बँक 13 व्या क्रमांकावरुन आता थेट 10 व्या क्रमांकावर विराजमान झाली. ही मोठी झेप मानण्यात येत आहे. एचडीएफसी बँकेचे तिमाही निकाल 20 जुलै रोजी येईल.
या यादीत ICICI Bank 18 व्या क्रमांकावर आहे. बँकेची मार्केट व्हॅल्यू जून तिमाहीच्या अखेरीस 11.5 टक्क्यांनी वाढून 102.7 अब्ज डॉलर इतके झाले आहे. टॉप 25 ग्लोबल बँकेत आयसीआयसीआयचा क्रमांक लागला आहे.
टॉप 25 ग्लोबल बँकेत एसबीआय पण आहे. एसबीआयचे मार्केट कॅप 11.9 टक्क्यांनी वाढून 90.1 अब्ज डॉलरच्या घरात पोहचले आहे. ही बँक आता ग्लोबल रँकिंगमध्ये 21 व्या क्रमांकावर आली आहे.