Happy Birthday Badshah : ‘डीजे वाले बाबू’ चा वाढदिवस, जाणून घ्या बादशाहबद्दलच्या खास गोष्टी!
देशातील सर्वाधिक लोकप्रिय रॅपरच्या बादशाहचा आज 35वा वाढदिवस आहे. (Happy Birthday to 'DJ Wale Babu', know some special things about Badshah!)
देशातील सर्वाधिक लोकप्रिय रॅपरच्या बादशाहचा आज 35वा वाढदिवस आहे. तो भारतातील असला तरी त्याची गाणी जगभरात गाजलेली आहेत. त्यामुळे त्याचा चाहता वर्ग खूप मोठा आहे.
बादशाहची अनेक गाणी तुम्ही एन्जॉय केली मात्र त्याचं खरं नाव खूप कमी लोकांना माहिती आहे. त्याचं खरं नाव आहे आदित्य प्रतीक सिंह सिसोदिया.
त्याला आयएएस अधिकारी बनायचं होतं. त्याला गणिताची खास आवड होती. त्यामुळे गणिताच्या शिक्षकासाठी त्यानं त्याचा पहिला रॅप तयार केला होता. त्यानं एका मुलाखतीदरम्यानं आपण रॅपर नसतो तर कदाचित आयएएस अधिकारी असतो असं सांगितलं होतं.
बादशाहनं 2006 मध्ये 'मुंडीर' नावाच्या एका क्रूसोबत करियरची सुरुवात केली. यावेळी त्यानं हनी सिंहसोबत काम केलं. मात्र त्याला खरी ओळख मिळाली ती म्हणजे 2015 मध्ये आलेल्या 'डीजे वाले बाबू' या गाण्यातून. हे गाणं रिलीज होताच 24 तासात भारताच्या आय ट्यून्स चार्टवर नंबर 1 वर पोहचलं होतं.
तो शून्यातून पुढे आला असं म्हणायला हरकत नाही. कारण एक वेळ अशी होती की, त्याच्या जवळ बसच्या तिकिटासाठीसुद्धा पैसे नसायचे. कितीतरी वेळा आपण विना तिकीट बसमध्ये प्रवास केला असल्याचा खुलासा स्वत: बादशाहनं केला आहे.
सध्या बादशाहजवळ कशाचीच कमी नाही. तो एका गाण्यासाठी तब्बल 1 कोटी रुपयांपर्यंत फी घेतो.
त्याच्या आणखी काही गमतीदार गोष्टी म्हणजे जेव्हा त्याचं गाणं रिलीज होतं तेव्हा तो प्रचंड घाबरतो.
