ICC Mens T-20 World Cup साठी भारतीय टीम जाहीर झाली आहे. या टीममध्ये एकूण 15 खेळाडू निवडण्यात आले आहे. त्यातील चार खेळाडू हे राखीव आहेत. टीममध्ये सहभागी खेळाडू करोडपती आहेत. रोहित शर्मा आणि विराट कोहली श्रीमंत खेळाडू आहेत.
Virat Kohli हा जगातील सर्वात श्रीमंत क्रिकेटरपैकी एक आहे. रिपोर्ट्सनुसार त्याची एकूण कमाई ही जवळपास 127 दशलक्ष डॉलर इतकी आहे. भारतीय चलनात ही रक्कम 1046 कोटी रुपये आहे. त्याची वार्षिक कमाई जवळपास 15 कोटींच्या घरात आहे.
रोहित शर्मा याची एकूण संपत्ती जवळपास 214 कोटी रुपये आहे. मुंबईतील त्याचे घर 30 कोटींच्या घरात आहे. तसेच त्याला आयपीएल, ब्रँड एंडोर्समेंट आणि इतर स्त्रोतातून मोठी कमाई होते.
ऋषभ पंत, रविंद्र जडेजा हे खेळाडू 100 कोटींच्या क्लबमध्ये सहभागी आहेत. जडेजा यांची नेटवर्थ 120 कोटी रुपयांच्या जवळपास आहे. त्याला जाहिरातीतून पण मोठी कमाई होते. पंत यांची नेटवर्थ 12 दशलक्ष डॉलर म्हणजे 100 कोटी रुपयांच्या घरात आहे. त्याला पण अनेक ब्रँड्समधून कमाई होते.
स्पोर्ट्सकीडानुसार, हार्दिक पंड्याची किंमत जवळपास 91 कोटींच्या घरात आहे. पंड्याला जाहिरातीतून पण उत्पन्न मिळते. संजू सॅमसन याची नेटवर्थ जवळपास 10 दशलक्ष डॉलर म्हणजे 82 कोटी रुपयांपेक्षा अधिक आहे. त्याला ब्रँड एंडोर्समेंटमधून कमाई होते.
मोहम्मद सिराज हा 57 कोटींचा मालक आहे. जसप्रीत बुमराहकडे एकूण 55 कोटींची संपत्ती आहे. अक्षर पटेलकडे 49 कोटींची नेटवर्थ आहे. युजवेंद्र चहलकडे 45 कोटींची संपत्ती आहे. शुभमन गिलची संपत्ती 34 कोटींच्या घरात आहे. सूर्यकुमार यादवकडे एकूण 32 कोटींची संपत्ती आहे.