Tech Tips : व्हॉट्सॲपवर आलं नवं इंस्टेंट व्हिडीओ मेसेज फीचर, कसा काम करतं ते जाणून घ्या
व्हॉट्सॲप लोकप्रिय मेसेजिंग ॲप आहे. जवळपास प्रत्येकाच्या मोबाईलमध्ये हे ॲप पाहायला मिळते. मेटा कंपनी या ॲपमध्ये नवनवे अपडेट्स आणत असते. असंच एक इंस्टेंट व्हिडीओ मेसेजिंग फीचर आणलं आहे. कसं काम करत ते जाणून घ्या
मेटा कंपनीने व्हॉट्सॲप वापरकर्त्यांसाठी नव्या फीचर्सची घोषणा केली आहे. या माध्यमातून आता युजर्स शॉर्ट व्हिडीओ पाठवू शकणार आहेत. यामुळे आपल्या भावना किंवा प्रसंग तात्काळ पाठवण्यास मदत होणार आहे.
इंस्टेंट व्हिडीओ फीचर्सच्या माध्यमातून 60 सेकंदांचे लहान व्हिडिओ संदेश पाठवू आणि प्राप्त करू शकता. नवं फीचर्स काही Android आणि iOS वापरकर्त्यांसाठी आधीच उपलब्ध आहे. हे फीचर्स लवकरच सर्व वापरकर्त्यांसाठी उपलब्ध होईल.
"तुम्हाला एखाद्याला वाढदिवसाच्या शुभेच्छा द्यायच्या असतील, आनंदात हसायचे असेल किंवा चांगली बातमी सांगायची असेल तर व्हिडीओद्वारे तुमचे क्षण सर्व भावनांसह शेअर करण्याचा हा एक उत्तम मार्ग आहे," असं व्हॉट्सॲपने म्हटलं आहे.
व्हिडीओ संदेश वैशिष्ट्य एंड-टू-एंड एनक्रिप्टेड आहे. वापरकर्त्याला प्राप्त झालेला व्हिडिओ संदेश फॉरवर्ड करता येणार नाही. तसेच गॅलरीत सेव्ह करत नाही. तुम्हाला हा व्हिडीओ हवा असल्यास तुम्ही तो स्क्रीन रेकॉर्ड ऑप्शनद्वारे सेव्ह करू शकता.
व्हिडीओ मेसेज फीचर हे व्हॉईस मेसेज फीचर्ससारखंच वापरता येणार आहे. म्हणजेच व्हिडीओ आयकॉन टॅब करून रेकॉर्ड करायचं आणि आयकॉन सोडताच सेंड होईल.
हा व्हिडीओ चॅटमध्ये उघडल्यावर आपोआप म्यूटवर प्ले होईल आणि व्हिडिओवर टॅप करताच आवाज ऐकता येईल.
