Independence Day 2024 : गेल्या स्वातंत्र्य दिनापासून आतापर्यंत या स्टॉकने घेतली गगन भरारी, असे केले गुंतवणूकदारांना मालामाल
Multibagger Stock : गेल्या स्वातंत्र्य दिनापासून ते आतापर्यंत एका वर्षात अनेक कंपन्यांचे स्टॉक रॉकेट झाले आहेत. त्यातील काही शेअरने एका वर्षात मल्टिबॅगर रिटर्न दिले आहेत. Independence Day 2024 मध्ये या शेअर्सनी गुंतवणूकदारांना मालामाल केले.
Independence Day 2024 : आज देश 78 वा स्वातंत्र्य दिन साजरा करत आहे. गेल्या स्वातंत्र्य दिनापासून ते आतापर्यंत एका वर्षात अनेक कंपन्यांचे स्टॉक रॉकेट झाले आहेत. या कालावधीत या स्टॉक्सने गुंतवणूकदारांना मालामाल केले.
ACE Equity च्या डेटानुसार, Sri Adhikari Brothers Television Network च्या शेअरने एका वर्षात गुंतवणूकदारांना मल्टिबॅगर रिटर्न दिला. या कंपनीचा शेअर 14 ऑगस्ट 2023 रोजी 1.45 रुपये असा होता. तो एका वर्षात 447.45 रुपयांवर पोहचला. एका वर्षात या कंपनीच्या स्टॉकने 30,759 टक्क्यांचा रिटर्न दिला आहे.
तर Viceroy Hotels या स्टॉकने पण गुंतणूकदारांना जोरदार रिटर्न दिला आहे. कंपनीचा शेअर एका वर्षापूर्वी 2.40 रुपये होता. तो आता एका वर्षातच 118.24 रुपयांवर पोहचला आहे. एका वर्षात या शेअरने 4817 टक्क्यांचा परतावा दिला.
Shekhawati Industries च्या शेअरने पण गुंतवणूकदारांना एका वर्षात मोठा परतावा दिला. हा शेअर एका वर्षात 1,627 टक्क्यांनी वधारला. कंपनीचा शेअर 13 ऑगस्ट 2024 रोजी 0.45 रुपयांवर होता. तो आता 7.77 रुपयांवर पोहचला आहे.
याशिवाय Sky Gold, Electrotherm, V2 Retail, Sahana System, RBM Infracon, Kore Digital या शेअरने पण गुंतवणूकदारांना एका वर्षात 600 टक्के ते 1,000 रुपयांपर्यंत परतावा दिला आहे.
सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल. पेनी शेअरमध्ये गुंतवणूक करताना जागरुक राहा. कंपनीचे फंडामेंटल तपासा. भूलथापांना अजिबात बळी पडू नका.