IPL 2021 | ‘कॅप्टन कूल’ विराटसेनेचा विजयी रथ रोखणार, पाहा महेंद्रसिंह धोनी आणि 25 एप्रिलचं विजयी कनेक्शन
चेन्नई सुपर किंग्स (chennai super kings) विरुद्ध रॉयल चॅलेंजर्स बंगळुरु यांच्यात सामना खेळवण्यात येत आहे. चेन्नईने आयपीएलच्या इतिहासात आतापर्यंत 25 एप्रिलला (25 april) एकही सामना गमावलेला नाही.
आयपीएलच्या 14 व्या मोसमातील 19 वा सामना चेन्नई सुपर किंग्स विरुद्ध रॉयल चॅलेंजर्स बंगळुरु यांच्यात खेळवण्यात येत आहे. या सामन्यात बंगळुरुचा पराभव निश्चित मानला जात आहे. असं आम्ही नाही तर आकडेवारी सांगतेय. चेन्नईने आयपीएलमध्ये 25 एप्रिल या तारखेला आतापर्यंत एकूण 6 सामने खेळले आहेत. त्या सहा सामन्यातही विजय मिळवला आहे.
आयपीएलमध्ये चेन्नईने 25 एप्रिल 2010 साली मुंबई इंडियन्सचा पराभव केला होता.
त्यानंतर पुढील वर्षात म्हणजेच 25 एप्रिल 2011 रोजी चेन्नईने पुणे वॉरियर्सवर मात केली होती.
25 एप्रिल 2013 मध्ये चेन्नईची गाठ सनरायजर्स हैदराबादशी पडली. यावेळेसही चेन्नई वरचढ ठरली. चेन्नईने हैदराबादला पराभवाची धूळ चारली.
2014 मध्ये याच तारखेला चेन्नईने मुंबईला दुसऱ्यांदा अस्मान दाखवलं.
चेन्नईने 2015 मध्ये पंजाब किंग्सचा पराभव केला.
चेन्नईने 25 एप्रिलला अखेरचा सामना 2018 मध्ये खेळला होता. हा सामना बंगळुरु विरुद्ध खेळवण्यात आला होता. या सामन्यातही चेन्नईने विजय मिळवला होता. त्यामुळे चेन्नई विराटसेनेचा विजयीरथ रोखणार, असं आकडेवारीवरुन स्पष्ट होतंय.
