Photo | दीड दिवसांचा सण पण वर्षभर पुरेल एवढी उर्जा, खान्देशात कानबाई मातेचं उत्साहात विसर्जन
नंदुरबार : खान्देशातील ग्रामदैवत कानबाई मातेचा उत्सव मोठ्या हर्षोल्हासात धुळे, नंदुरबार आणि जळगाव जिल्ह्यात संपन्न झाला. अवघ्या दीड दिवसांचा हा सण खान्देशातील प्रत्यके कुटुंबाला एकतेचा संदेश देत वर्षभर पुरेल इतकी ऊर्जा देऊन जातो.
नंदुरबार : खान्देशातील ग्रामदैवत कानबाई मातेचा उत्सव मोठ्या हर्षोल्हासात धुळे, नंदुरबार आणि जळगाव जिल्ह्यात संपन्न झाला.
कोकणात जसे सर्व चाकरमाने गणपती उत्सवाला आपल्या गावाकडे परततात, अगदी त्याचप्रमाणे खान्देशात कानबाई उत्सव साजरा करण्यासाठी देश विदेशातील कुटुंबातील सदस्य आपल्या घराकडे न चुकता येतात.
अवघ्या दीड दिवसांचा हा सण खान्देशातील प्रत्यके कुटुंबाला एकतेचा संदेश देत वर्षभर पुरेल इतकी ऊर्जा देऊन जातो. खान्देशातील सर्वात प्रसिद्ध असे ग्रामदैवत म्हणून कानबाई मातेचा लौकिक आहे. अत्यंत लोभस आणि साधं असं हे दैवत आहे.
या कानबाई मातेची फक्त तीनच मंदिरं आहेत. निसर्गपूरक असा हा कानबाईचा सण खान्देशात श्रावण महिन्यात नागपंचमीनंतर येणाऱ्या पहिल्या रविवारी साजरा केला जातो.
सोमवारी सकाळी वाजत गाजत मातेचं विसर्जन केलं गेलं जातं. कानबाई मातेचा उत्सवाची तयारी पंधरा दिवस आधीच सुरु होते. घराच्या प्रत्येक कानाकोपऱ्याची स्वच्छता या सणानिमित्त केली जाते.
अत्यंत पवित्र आणि स्वच्छ वातावरणात सुवासीनी मातेची स्थापना करतात. कानबाई मातेची स्थापना ज्या ठिकाणी केली जाते; तिथे फुलमाळांनी सजवून छोटाच गाभारा आणि मंडप तयार केला जातो.
श्रावण महिना सुरू झाला आहे.श्रावण महिन्याच्या पहिल्या रविवार काल (15 ऑगस्ट) होता. त्यामुळे आज जिल्ह्यातल्या संपूर्ण कानबाई मातांचं विसर्जन करण्यात आलं आहे.
