Kareena Kapoor | बेस्ट फ्रेंडच्या वाढदिवसानिमित्त करिना कपूरची खास पोस्ट
बॉलिवूड अभिनेत्री करिना कपूर सध्या सोशल मीडियावर मोठ्या प्रमाणात सक्रीय आहे. कधी कुटुंबासोबतचे फोटो तर कधी हटके फोटोशूट ती नेहमी सोशल मीडियावर पोस्ट करत असते. आता करिनानं सोशल मीडियाच्या माध्यमातून आपली खास मैत्रीण मल्लिका भट्टला खास शुभेच्छा दिल्या आहेत . तिनं आपल्या गर्ल गॅंगचा फोटो पोस्ट करत 'Happy Birthday my BFF... Love You Forever'असं कॅप्शन दिलं आहे. या फोटोमध्ये मलायका अरोरा, अमृता अरोरा आणि मल्लिका भट्ट एकत्र दिसत आहेत.
अमृता अरोरानंसुद्धा मल्लिकाला वाढदिवसाच्या शुभेच्छा दिल्या आहेत. अमृतानं मलायका आणि मल्लिकासोबत फोटो शेअर केला आहे. फोटोसोबत ' Happy Birthday our Darling, Mallikss love you longtime,stay crazy and beautiful and keep entertaining us, like u do ' असं कॅप्शन दिलं आहे.
करिना गेल्या काही दिवसांपासून आगामी सिनेमा 'लाल सिंह चढ्ढा' च्या चित्रीकरणासाठी दिल्लीत दाखल झाली आहे. तिच्यासोबत अभिनेता सैफ अली खान आणि मुलगा तैमुरही दिल्लीमध्ये आहेत.'लाल सिंह चढ्ढा' या चित्रपटात करिना कपूर सोबत आमीर खान मुख्य भूमिकेत दिसणार आहेत.
'लाल सिंह चढ्ढा' हा चित्रपट हॉलिवूडच्या 'फॉरेस्ट गंप' या चित्रपटाचा रिमेक आहे. या चित्रपटाचं चित्रीकरण पंजाब, हिमाचल या शहरांमध्ये झालं आहे.
या सिनेमाच्या चित्रीकरणासाठी जात असतानाचा प्रवासातील एक फोटोही करिनाने शेअर केला आहे.