TMKOC : ‘तारक मेहता का उल्टा चश्मा’मुळे प्रकाशझोतात आलेली पलक सिधवानी कोण आहे? तिचा पहिला पगार माहितीये?
टीव्ही शो 'तारक मेहता का उल्टा चश्मा' (Taarak Mehta Ka Ooltah Chashmah) प्रेक्षकांसाठी खास आहे. या मालिकेतील कलाकार दिलीप जोशी (Dilip Joshi) उर्फ जेठालाल (Jethalal) पासून अमित भट्ट उर्फ बापूजीपर्यंत अनेकांचे आपले चाहते आहेत. मात्र, यात नवी सोनू उर्फ पलक सिधवानी (Palak Sindhwani) ही या मालिकेची ताकदीची कलाकार आहे.
पलक 2019 मध्ये 'तारक मेहता का उल्टा चश्मा' मालिकेत दाखल झाली. त्याआधीही तिने टीव्हीवर काम केलंय. पलक 'तारक मेहता का उल्टा चश्मा'च्या आधी एका रिअॅलिटी शोमध्ये काम करायची.
पलक देशातील प्रसिद्ध म्यूझिक रिअॅलिटी शो इंडियन आयडॉलमध्ये देखील दिसली होती. या शोत तिचा पहिला पगार केवळ काही हजार रुपये इतका होता. तिने यावेळी इंडियन आयडॉलसाठी एक प्रोमो शूट केला होता.
याशिवाय तिने अमूल मक्खनची जाहिरात आणि डिज्नी प्लस हॉटस्टारच्या होस्टेजेस या वेबसिरीजमध्येही काम केलंय. तिला सर्वात मोठी संधी तारक मेहता का उल्टा चश्मातूनच मिळाली. तिच्या वडिलांना ही मालिका खूप आवडायची. स्वतः पलकलाच त्यात कामाची ऑफर आल्यानंतर तिने ती तात्काळ स्वीकारली.
आता पलकला या मालिकेत काम करायला सुरुवात करुन 2 वर्षे झालेत. आता पलक सिधवानीला या मालिकेच्या एका शोसाठी 35 ते 40 हजार रुपये मिळतात.
