कुंभ मेळा 2019 : स्मृती इराणींचं शाही स्नान

उत्तर प्रदेशातील प्रयागराज इथं कुंभ 2019 ला सुरुवात झाली आहे. मकर संक्रांतीनिमित्त आज पहिल्या शाही स्नानामध्ये देशभरातील साधूसंतांसह भाविकांनी हजेरी लावली.

केंद्रीय वस्त्रोद्योग मंत्री स्मृती इराणी यांनीही संगम तटावर शाही स्नान केलं. स्मृती इराणींनी शाही स्नानाचा फोटो ट्विटरवर शेअर केला आहे. या फोटोला त्यांनी #kumbh2019 #trivenisangam हर हर गंगे असं कॅप्शन दिलं आहे. प्रयागराज इथं 15 जानेवारी ते 4 मार्चदरम्यान कुंभ मेळा भरणार आहे.कोट्यवधी भाविक प्रयागराजला दाखल होण्याची शक्यता आहे.

दरम्यान आज पहिलं शाही स्नान सकाळी 5.30 वा सुरु झालं. शाही स्नान संध्याकाळी 4.30 वाजेपर्यंत सुरु राहणार आहे. कुंभ मेळ्यासाठी गंगा किनारी 3200 एकर परिसरात साधूसंत आणि भाविकांची व्यवस्था करण्यात आली आहे. इथे कडक सुरक्षा व्यवस्थाही ठेवण्यात आली आहे.

पहिल्या शाही स्नाना दिवशी हेलिकॉप्टरमधून पुष्पवृष्टी करण्यात आली. सकाळी 9 वाजपर्यंत सुमारे 50 लाख भाविकांनी शाही स्नान केल्याची माहिती कुंभ मेळा इथल्या जिल्हाधिकाऱ्यांनी दिली.

दरम्यान, उत्तर भारतात कडाक्याची थंडी आहे. त्यामुळे अनेक भाविक गारठून बेशुद्ध झाल्याच्या घटनाही घडल्या. कुंभ मेळ्यात 13 आखाडे आहेत.

कुंभ मेळ्यात 13 आखाडे आहेत. यामध्ये 7 शैव आणि तीन-तीन वैष्णव आणि उदासीन आखाडा आहे.

कुंभ मेळ्यात जवळपास 500 सांस्कृतिक कार्यक्रमाचं आयोजन करण्यात आलं आहे. शहरातील अनेक ठिकाणी टीव्ही स्क्रीन्स लावण्यात आल्या आहेत.

4 मार्चला महाशिवरात्रीला शेवटचं शाही स्नान असेल. 2019 कुंभ मेळ्यात शाही स्नानाचा शुभ दिवस 15 जानेवारी मकर संक्रांत, 21 जानेवारी पौष पौर्णिमा, 4 फेब्रुवारी मौनी अमावस्या, 10 फेब्रुवारी वसंत पंचमी, 19 फेब्रुवारी माघी पौर्णिमा आणि 4 मार्च शिवरात्री आहे.

Choose your language

कुंभ मेळा 2019 : स्मृती इराणींचं शाही स्नान

Network