माधुरी दीक्षित ते शिल्पा शेट्टी, बॉलिवुड ललनांच्या हाती iPhone 16, नवीन आयफोनसोबत मटकत मटकत अशा काढल्या सेल्फी
Apple iPhone 16 : आयफोनची क्रेझ सर्वसामान्यांनाच नाही तर बॉलिवुड सेलेब्रिटींना पण दिसून आली. हा स्मार्टफोन खरेदीसाठी सध्या एकच झुंबड उडालेली आहे. नवीन आयफोन हाती आला नाही तोच अनेक बॉलिवुड तारकांनी मटकत मटकत सेल्फी काढल्या आणि त्या सोशल मीडियावर पोस्ट केल्या.
दिग्गज टेक कंपनी ॲप्पलच्या नवीन दमदार iPhone 16 या स्मार्टफोनची विक्री सुरू झाली आहे. iPhone 16 आणि iPhone 16 Plus हे दोन मॉडल बाजारात उतरवण्यात आले आहे. ते Ultramarine, Teal, Pink, White आणि Black या रंगात मिळतील. या सीरीजमध्ये 128GB, 256GB, आणि 512GB स्टोरेजचा पर्याय उपलब्ध आहे. iPhone 16 ची सुरूवातीची किंमत 79,900 आणि iPhone 16 Plus ची सुरुवातीची किंमत 89,900 रुपये आहे.
Apple कंपनीने 9 सप्टेंबर रोजी आयफोन 16 सीरीज लॉन्च केली होती. सर्वसामान्यच नाही तर सेलेब्रिटींना सुद्धा या स्मार्टफोनची उत्सुकता होती. भारतात आजपासून iPhone 16 ची विक्री सुरु होत आहे. पण बॉलिवुडच्या ललनांच्या हाती हा नवीन दमदार फोन अगोदरच आला आहे.
अभिनेत्री नेहा धुपिया हिने तिच्या इन्स्टाग्राम अकाऊंटवर ब्रँड न्यू आयफोन 16 सोबत अनेक फोटो शेअर केले आहेत.
‘स्वीट 16’ असे तिचे कॅप्शन सध्या चर्चेत आहे. अनेक चाहत्यांनी तिला या नवीन आयफोनच्या खरेदीविषयी कंमेट करून शुभेच्छा दिल्या आहेत.
चुलबुली अभिनेत्री शिल्पा शेट्टी हिने तिच्या खास अंदाजात नवीन आयफोन 16 सोबतचे छायाचित्र समाज माध्यमावर शेअर केले आहे.
प्रत्येक दिवशी एक सफरचंद, असे कॅप्शन असलेला तिचा फोटो समाज माध्यमांवर व्हायरल झाला आहे. तिच्या दिलखेचक अदासोबत आयफोन 16 ने चारचांद लावले आहेत.
बॉलिवुडची धकधक गर्ल म्हणजे माधुरी दीक्षित हिने पण नवीन आयफोन 16 सोबतचा सेल्फी शेअर केला आहे. इतरही छायाचित्र शेअर केले आहे. घरातील बालकनीत केलेले हे फोटो सेशन चाहत्यांच्या पसंतीस उतरले आहे.