दसऱ्याच्या स्वागताला झेंडूची पुण्यात मोठी मागणी, किलोचा भाव काय ?
आज विजयादशमीचा सण. सणासुदीच्या काळात फुलांची मागणी प्रचंड वाढते. दसऱ्याच्या स्वागताला झेंडूच्या फुलांनाही पुण्यात मोठी मागणी असल्याचे दिसून येत आहे.
नवरात्र संपून आज विजयादशमीचा सण उजाडला आहे. सणासुदीच्या काळात फुलांची मागणी प्रचंड वाढते. दसऱ्याच्या स्वागताला झेंडूच्या फुलांनाही पुण्यात मोठी मागणी असल्याचे दिसून येत आहे. ( Photo : Social Media)
मार्केट यार्डातील फूल बाजारात झेंडूची तब्बल 200 टन आवक झाली असून प्रतिकिलोसाठी 80 ते 120 रुपये असा भाव आहे.
झेंडूप्रमाणेच सध्या इतर फुलांनाही बरीच मागणी आली आहे. फूलबाजारात पुणे, सोलापूर, धाराशीव, बीड, हिंगोली परिसरातील शेतकऱ्यांनी मोठ्या प्रमाणावर झेंडू विक्रीस आणला आहे.
तसेच शेवंती, ऑस्टर, गुलछडी, जर्बेरा, गुलाब यांसह इतर फुलांनाही मोठी मागणी असून त्यांचे भावही थोडेफार वाढले आहेत.
पांढऱ्या शेवतींच्या फुलांची 30 ते 35 टन आवक झाली असून प्रतिकिलोसाठी 100 ते 200 रुपयांदरम्यान भाव आहे.पिवळ्या शेवंतीची बाजारात 5 ते 10 टन आवक झाली आहे. या फलांचा भावही 100 ते 200 रुपयांदरम्यान आहे.