Ghatkopar Hoarding Collapse : घाटकोपरमधील घटनेत आठ जणांचा मृत्यू, आकडा वाढण्याची भीती, पाहा Photo
मुंबईमध्ये अवकाळी पावसामुळे घाटकोपर भागात एका पेट्रोल पंपावर होर्डिंग पडल्याची धक्कादायक घटना समोर आली आहे. यामध्ये अनेकांचा मृत्यू झाला आहे तर काहीजण अद्यापही होर्डिंगखाली अडकले आहेत.
राज्यात अवकाळी पावसाने हजेरी लावल्याचं सर्वत्र पाहायला मिळालं आहे. अशातच आज मुंबईमध्येही अवकाळी पावसाने हजेरी लावली. या पावसामुळे मोठी मुंबईतील घोटकोपर येथे मोठी दुर्घटना घडली आहे.
संध्याकाळी चार ते पाचच्या सुमारास धुळीचं वादळ आलं होतं. त्यानंतर काहीवेळातच मुसळधार पावसाने मुंबईकरांना झोडपलं. यादरम्यान घाटकोपरमध्ये एका पेट्रोल पंपवर होर्डिंग पडल्याची घटना समोर आली.
या होर्डिंगखाली अनेकजण दबल्याची शक्यता वर्तवली जात आहे. मिळालेल्या माहितीनुसार १०० लोक अडकले आहेत. तर ३५ जण जखमी झाले आहेत. तर आठ जणांचा मृत्यू झाल्याची माहिती समजत आहे.
होर्डिंग पडतानाचा व्हिडीओ अनेकांनी आपल्य फोनमध्ये रेकॉर्ड केला. हा व्हिडीओ सोशल मीडियावर मोठ्या प्रमाणात व्हायरल होत आहे. या घटनेची चौकशी करण्याचे आदेश उपमुख्यमंत्री आणि गृहमंत्री देवेंद्र फडणवीस यांनी दिले आहेत.
देवेंद्र फडणवीस