Mumbai Strom : जेव्हा 70 बाय 70 मीटरचे मोठाले होर्डींग्ज काळ बनून कोसळले, 8 जण दगावले
मुंबईत सोमवारी झालेल्या वादळी पावसात जाहीरातीचे भलेमोठे होर्डीग्ज कोसळून घाटकोपर येथे आठ जणांचा बळी गेला तर पन्नास ते शंभर जण ढीगाऱ्यात अडकल्याची भीती आहे. सायंकाळी साडे चारच्या सुमारास घडलेल्या या घटनेनंतर एनडीआरएफच्या टीमने घटनास्थळाचा ताबा घेऊन मदतकार्ये सुरु केले आहे.
मुंबईत सोमवारी झालेल्या वादळी पावसात जाहीरातीचे भलेमोठे होर्डीग्ज कोसळून घाटकोपर येथे आठ जणांचा बळी गेला तर पन्नास ते शंभर जण ढीगाऱ्यात अडकल्याची भीती आहे. सायंकाळी साडे चारच्या सुमारास घडलेल्या या घटनेनंतर एनडीआरएफच्या टीमने घटनास्थळाचा ताबा घेऊन मदतकार्ये सुरु केले आहे.
मुंबईतील सोमवार सायंकाळी सुटलेल्या सोसाट्याच्या वाऱ्यामुळे घाटकोपर येथील छेडा नगर जवळ एक जाहीरातीचे भलेमोठे 70 बाय 70 मीटर आकाराचे होर्डींग कोसळून मोठा अपघात घडला.
सायंकाळी 4:30 वाजण्याच्या सुमारासअचानक वादळ आणि मुसळधार पावसामुळे वेस्टर्न एक्सप्रेस हायवे जवळ, घाटकोपर ( पूर्व ) येथील समता कॉलनीच्या रेल्वे पेट्रोल पंपावर 70/50 मीटर आकाराचा भलेमोठा होर्डिंगचा मेटल गर्डर अचानक कोसळला.
घाटकोपर छेडा नगरातील या भीषण दुर्घटनेत सहा जणांचा मृत्यू झाला आहे. तर 57 जण जखमी झाले आहेत. या दुर्घटनेतील मृतांच्या वारसांना मुख्यमंत्र्यांनी प्रत्येकी 5 लाखांची मदत जाहीर केली आहे. तर जखमींच्या उपचारांचा खर्च सरकार करणार आहे.
एनडीआरएफ, महापालिका डिझास्टर टीम, एमएमआरडीएची टीम दाखल झाली असून बचाव मोहीम सुरु आहे. या अपघातात मोहम्मद अक्रम ( वय 48), दिनेश जयस्वाल, भरत राठोड, चंद्रमणी प्रजापती ( वय 45 ) आदी आठ जणांचा मृत्यू झाला आहे.
