मै नरेंद्र दामोदरदास मोदी ईश्वर की शपथ लेता हूँ… नरेंद्र मोदींनी घेतली पंतप्रधान पदाची शपथ
पंतप्रधान नरेंद्र मोदी यांनी पंतप्रधान पदाची शपथ घेतली आहे. मोदी यांनी सलग तिसऱ्यांदा पंतप्रधान पदाची शपथ घेऊन माजी पंतप्रधान जवाहरलाल नेहरू यांच्या विक्रमाची बरोबरी केली आहे. राष्ट्रपती भवनाच्या प्रांगणात हा ऐतिहासिक सोहळा पार पडला.
लोकसभा निवडणुकीच्या निकालानंतर आता 18 व्या लोकसभेची स्थापना झाली आहे. मोदी सरकार 3.0 चा शपथविधी सोहळा आज राष्ट्रपती भवनात पार पडला आहे.
पंतप्रधान जवाहरलाल नेहरू यांनी सलग तीनदा पंतप्रधानपद भुषविले होते. त्यांच्यानंतर सलग तिसऱ्यांदा पंतप्रधानपदाची शपथ घेणारे नरेंद्र मोदी हे दुसरे व्यक्ती ठरले आहेत
मोदी सरकार 3.0 चा शपथविधी सोहळा आज पार पडला आहे. नरेंद्र मोदींनी आज तिसऱ्यांदा पंतप्रधानपदाची शपथ घेतली आहे. त्यांच्यासोबत मंत्रिमंडळात सामील होणाऱ्या काही मंत्र्यांनी देखील गोपनीयतेची शपथ घेतली आहे.
महाराष्ट्रातील नितीन गडकरी, पियुष गोयल, मुरलीधर मोहोळ, रक्षा खडसे, शिंदे गटाचे खासदार प्रतापराव जाधव आणि रिपाईचे रामदास आठवले यांना संधी मिळाली आहे
सलग तिसऱ्यांदा पंतप्रधान नरेंद्र मोदी यांनी शपथ घेतल्यानंतर देशभरात मोठ्या प्रमाणात भाजप नेते आणि कार्यकर्त्यांनी आनंद साजरा केला आहे. फटाके वाजवून मोदींचं अभिनंदन केलं आहे.