पत्नीशी निगडीत ही गुपितं कधीच कोणाला सांगू नका, अन्यथा..! जाणून घ्या चाणक्य निती
आचार्य चाणक्य यांनी आपल्या नीतिशास्त्रात अनेक पैलूवर प्रकाश टाकला आहे. मानवी स्वभावात कधीच बदल होऊ शकत नाही हे त्यांच्या नीतिशास्त्रावरून लक्षात येतं. कारण आजही त्यांनी सांगितलेल्या गोष्टी लागू होतात. असंच त्यांनी आपल्या नीतिशास्त्रात पत्नीशी निगडीत काही बाबी सांगितल्या आहेत.
आपण आपल्या दैनंदिन जीवनात काही गोष्टी जपूनच करण आवश्यक आहे.नाही तर त्याचा फटका आपल्याला भविष्यात बसू शकतो. अनेकदा आपण पत्नीशी निगडीत गोष्टी दुसऱ्यांसोबत शेअर करतो. पण तसं केल्याने आपण अडचणीत येऊ शकतो. याबाबत चाणक्य नीतित सांगण्यात आलं आहे.
जर तुम्ही पत्नीच्या एखाद्या गोष्टीमुळे नाराज असाल तर त्या गोष्टीचा उल्लेख इतर कोणाकडेही तक्रार म्हणून करू नये. जी व्यक्ती आपल्या पत्नीबद्दल इतरांकडे तक्रार करतो. तेव्हा तो पत्नीसह हसण्यास पात्र ठरतो.
आचार्य चाणक्य यांच्या नीतिशास्त्रानुसार, घरात पती-पत्नीला कितीही दु:खाचा सामना करावा लागला तरी त्याचा उल्लेख बाहेरच्या व्यक्तीकडे करू नये. असं करणं म्हणजे आपली कमकूवत बाजू इतरांकडे प्रकट करणे. त्याचा फायदा दुसऱ्या व्यक्ती कधीही घेऊ शकतात.
जर एखाद्या व्यक्तीने आपल्या घरातील कमकुवत बाजू बाहेर उघड केली तर त्याचा परिणाम त्याच्या आणि पत्नीच्या सन्मानावर होतो. लोकं त्याना समाजात वेगळ्याच नजरेने पाहतात.
आचार्य चाणक्य नीतिनुसार, पती पत्नीतील वाद आणि गुपितं घरातच राहिल्या पाहिजेत. जर तसं केलं नाही तर त्याचा फायदा इतर लोकं घेऊन मानसिक त्रास देऊ शकतात.
