‘आई माऊलीचा उदो उदो’ जयघोषात एकविरा देवी उत्सवा निमित्ताने विविध धार्मिक कार्यक्रमाचे आयोजन
हाकेला धावणारी नवसाला पावणारी आई एकविरा म्हणजेच आदिमाता रेणुका. एकविरा माता म्हणजेच परशुरामाची माता होय. चैत्र महिन्यात या देवीचा उत्सव आयोजित करण्यात येतो.
हाकेला धावणारी नवसाला पावणारी आई एकविरा म्हणजेच आदिमाता रेणुका. एकविरा माता म्हणजेच परशुरामाची माता होय. चैत्र महिन्यात या देवीचा उत्सव आयोजित करण्यात येतो.
या उत्सवा निमित्ताने पुण्यातील राजगुरूनगर येथे एकविरा देवी ट्रस्ट, ग्रामस्थांच्या वतीने विविध धार्मिक कार्यक्रमाचे आयोजन करण्यात आले. यावेळी राजगुरूनगर मधील शहरातून अनेक महिलांनी कलश घेऊन एकविरा देवीची पालखी काढली.
या पालखीमध्ये हारतुरे,अभिषेक, महाप्रसाद, कीर्तनाचे आयोजन करण्यात आले होते त्याच प्रमाणे रथ मिरवणूक देखील काढण्यात आली . गेली दोन वर्षे कोरोना मुळे यात्रा होऊ शकली नाही मात्र आता या उत्सवामध्ये महिलाच्या चेहऱ्यावर ऐक वेगळा आनंद पाहायला मिळत आहे
महाराष्ट्रात देवींची जी साडेतीन पीठे मानली जातात. त्यापैकी पार्वती, यमाई, रेणुका मातेचा अवतार म्हणजे एकवीरा देवी. लोणावळ्याजवळील वेहेरगाव-कार्ला गडावरील आई एकवीरा देवी ही एक आदिशक्ती असून, एक जागृत देवस्थान म्हणून तिची ख्याती आहे.
आई एकविरेचे मंदिर कार्ला गडावर स्थित असून ते एक स्वयंभु मंदिर असून अतिशय प्राचीन आहे. आईची मुर्ती स्वयंभु तांदळा दगडात प्रगटलेली “शेन्दुंर चर्चीत” आहे. अश्विन व चैत्र महिन्यात देवीच्या उत्सावाच्या यात्रा होतात.
मंबई-पुणे महामार्गावर (110 कि.मी.) लोणावल्याजवळ मळवली रेल्वे स्थानकापासून उत्तरेस पाच कि.मी. अंतरावर वाकसईजवळ कार्ला फाट्यावरून ३ कि.मी. अंतरावर कार्ला गड आहे. कार्ला फाट्यावर विश्वस्त मंडळाने बांधलेला भव्य व रेखीव प्रवेशव्दार आहे. सह्याद्री पर्वत रांगांमध्ये हे स्थान समुद्रसपाटीपासून ४०० फूट उंचीवर आहे. या मंदिरामध्ये पशुबळी देखील देण्याचा परंपरा देखील आहे. बकरी/ कोंबडी यांसह इतरही काही प्राण्यांचे बळी इथे दिले जातात. या देवीकडे चमत्कारी शक्ती आहेत, अशी भाविकांची मान्यता आहे.