तुळशीबाग मार्केटमध्ये पुणेकरांची तुफान गर्दी, कोरोना नियमांना हरताळ
पुण्यात लोक नियमांची पायमल्ली करताना दिसतायत. पुण्यातील तुळशीबाग बाजारपेठमध्ये सामान खरेदी करण्यासाठी पुणेकरांची तुफान गर्दी केली होती.
कोरोना प्रतिबंधक नियम शिथिल करण्यात यावेत अशी मागणी पुण्यातील व्यापारी करत आहेत. तर दुसरीकडे याच पुण्यात लोक नियमांची पायमल्ली करताना दिसतायत. पुण्यातील तुळशीबाग बाजारपेठेमध्ये सामान खरेदी करण्यासाठी पुणेकरांची तुफान गर्दी केली होती.
कोरोनाचा प्रसार रोखण्यासाठी पुण्यात निर्बंध लागू आहेत. याच निर्बंधांविरोधात पुण्याचे महापौर मुरलीधर मोहोळ यांनी राज्य सरकारवर टीका केली आहे. त्यांनी मुख्यमंत्र्यांनी जे स्टेटमन दिलं आहे, त्यासंदर्भात लवकर आदेश काढावेत. शहरात नियमांबाबत शिथिलता देण्यासाठी मी गेल्या 15 दिवसांपासून सरकारकडे पाठपुरावा करतोय. मात्र त्यावर अजूनही निर्णय का नाही ? असा सवाल केलाय. मात्र, आता पुण्यात निर्बंध लागू असूनही लोक त्याचे पालन करत नसल्याचे समोर आले आहे. लोक मोठ्या प्रमाणात गर्दी करत आहेत.
पुण्यातील तुळशीबाग हा परिसर महिलांच्या सामान खरेदीसाठी प्रसिद्ध आहे. याच भागात पुरुष आणि महिलांनी मोठी गर्दी केल्याचे पाहायला मिळाले. यावेळी नागरिकांनी सोशल डिस्टन्सिंग पाळले नाही. शनिवार आणि रविवारी बाजारपेठ बंद असल्यामुळे आज (2 ऑगस्ट) सामानाची खरेदीसाठी करण्यासाठी या भागात चांगलीच गर्दी झाली होती.
PUNE Market
दरम्यान, पुण्यातील निर्बंध शिथिल केले जावेत या मागणीला घेऊन व्यापारी आक्रमक झाले आहेत. पुण्यातील दुकानं 8 पर्यंत खुली ठेवण्याची परवानगी मिळावी. तसेच शनिवारी आणि रविवारी सूट मिळावी, अशी मागणी व्यापाऱ्यांनी केलीय. तसेच उद्यापासून परवानगी मिळाली नाही तर आम्ही दुकाने उशिरापर्यंत खुली ठेवू असा इशारा पुण्यातील व्यापाऱ्यांनी सरकारला दिलाय.