Photo : मराठी कलाक्षेत्रातील गोड जोडी अखेर विवाह बंधनात; विराजस कुलकर्णी आणि शिवानी रांगोळेचं शुभमंगल
मागील काही दिवसांपासून मराठी कलाविश्वास अभिनेत्री मृणाल कुलकर्णीचा मुलगा अभिनेता विराजस कुलकर्णी आणि अभिनेत्री शिवानी रांगोळे यांच्या प्रेमाची जोरदार चर्चा होती. ही जोडी अखेर लग्न बंधनात अडकली आहे. (Instagram - virajas13_official)
दोन दिवसांपूर्वी लग्नघरात सुरु असलेली लगबग पाहायला मिळाली होती. तसंच शिवानीच्या मेहंदीचे काही फोटो आणि व्हिडीओही सोशल मीडियावर व्हायरल झाले होते. आता या दोघांच्या लग्नाचे फोटो समोर आले आहेत. (Instagram - virajas13_official)
विराजस कुलकर्णी याने झी मराठीवरील माझा होशील ना या मालिकेतून कलाविश्वात पदार्पण केलं. तर 'सांग तू आहेस ना' या मालिकेत शिवानी रांगोळे हिने सिद्धार्थ चांदेकरसोबत काम केलं आहे. त्यात मालिकेतील अभिनयातून तिने प्रेक्षकांची वाहवा मिळवली. (Instagram - virajas13_official)
मागील आठवड्यातच या जोडप्यानं 'किचन कल्लाकार'च्या मंचावर हजेरी लावली होती. यावेळी शिवाजी आणि विराजस किचनमध्ये कल्ला करताना पाहायला मिळाले. (Instagram - virajas13_official)
त्यावेळी विराजसने एक उखाणाही घेतला होता. 'किचन कल्लाकारच्या मंचावर करायचं आहे आम्हाला श्रीखंड, शिवानी सोबत आहेच, आता घेऊ का हे भांड?' हा उखाणा ऐकून 'महाराज' प्रशांत दामले यांच्यासह सर्वच जण हसून लोटपोट झाले होते. (Instagram - virajas13_official)