‘महिलांचा आवाज’ म्हणून परिचित असणाऱ्या चित्रा वाघ यांनी घेतली आमदारकीची शपथ
Chitra Wagh Political Career : राज्यपाल नियुक्त 12 जागां पैकी सात जागांसठी आज शपथविधी पार पडला. यात भाजप नेत्या चित्र वाघ यांनीही शपथ घेतली आहे. चित्रा वाघ यांचा राजकीय प्रवास कसा राहिला? राष्ट्रवादी ते भाजप असा प्रवास करत असताना महिलांच्या प्रश्नांवरही त्यांनी काम केलंय. वाचा सविस्तर...
राज्यपाल नियुक्त विधान परिषदेच्या 12 जागांसाठीवरील नियुक्ती मागच्या बऱ्याच दिवसांपासून प्रलंबित होती. आता आज अखेर या जागांवर नियुक्ती करण्यात आली आहे. आज विधानभवनात 7 विधानपरिषदेच्या आमदारांचा शपथविधी पार पडला.
राज्य मंत्रिमंडळाने काल 7 जागांसाठी नावांचा प्रस्ताव पाठवला. आज या सात जणांनी आमदारकीची शपथ घेतली आहे. यात भाजपच्या धडाडीच्या नेत्या चित्रा वाघ यांचाही समावेश आहे. काहीच वेळाआधी चित्रा वाघ यांनी विधानपरिषदेच्या आमदारकीची शपथ घेतली आहे.
चित्रा वाघ या कायम महिलांच्या प्रश्नांसाठी लढा देताना दिसतात. 'महिलांचा आवाज' म्हणून चित्रा वाघ परिचित आहेत. महिला अत्याचाराच्या घटनांमध्ये चित्रा वाघ यांनी कायमच पीडितेची बाजू लावून धरली आहे.
चित्र वाघ यांच्या आक्रमक शैलीने आणि धडाडीने विरोधकांना कायम घाम फोडला आहे. महिला प्रश्नांसाठी त्यांनी अनेकदा रस्त्यावर उतरत आंदोलनं केली आहेत. आता चित्रा वाघ य विधान परिषदेच्या सदस्य झाल्या आहेत.