श्री हरी विठ्ठल ! सावळ्या विठूरायाला चंदनाचा थंडावा, मंदिरात चंदन उटी पूजा संपन्न
बाहेर सूर्य आग ओकत असताना सर्वजण सूर्याच्या उन्हापासून वाचण्यासाठी प्रयत्न करत असतो. अशातच या उन्हामध्ये श्री विठ्ठलाच्या मूर्तीला या उष्णतेचा त्रास होऊ नये म्हणून सर्वांगाला चंदन लावण्याची परंपरा आहे.
बाहेर सूर्य आग ओकत असताना सर्वजण सूर्याच्या उन्हापासून वाचण्यासाठी प्रयत्न करत असतो. अशातच या उन्हामध्ये श्री विठ्ठलाच्या मूर्तीला या उष्णतेचा त्रास होऊ नये म्हणून सर्वांगाला चंदन लावण्याची परंपरा आहे. ही परंपरा पंढरपुरात अनेक शतकांपासून सुरु आहे. या दिवशी श्री विठ्ठलाची प्रतिमा डोळ्यात साठवून ठेवण्यासारखी असते.
चंदनाला आयुर्वेदात ही महत्व आहे. चंदन हे अतिशय सुगंधी , शीतल असते. चंदनाच्या याच गुणामुळे दिवसभरातील हवेतील उष्णतेने शिणलेल्या विठू माउलीला शीतलता वाटावी यासाठी रोज दुपारी सुगंधी अशा चंदनाचा लेप सर्वांगाला लावला जातो.
अलंकारा पेक्षाही सुंदर उठून दिसणारे विठ्ठलाचे रूप डोळ्यात साठ्वण्यासारखे असते .श्री विठ्ठल रुक्मीणीला थंडावा मिळावा यासाठी खास चंदन उटी पूजा केली जाते. गुढी पाडवा ते मृग नक्षत्र निघेपर्यंत रोज दुपारी चंदन उटी पूजा केली जाते . पूजेनंतर देवाला नैवेद्य म्हणून कैरीच पन्हं आणि थंड लिंबू सरबत ही दाखवले जाते .
श्री विठ्ठल रुक्मिणी मंदिर समितीने चंदन उटी पूजे साठी उच्च प्रतीचे 500 किलो चंदन कर्नाटका मधील बंगलुरू, म्हैसूर मधून खरेदी केले जाते. तर श्री विठ्ठल आणि रुक्मिणी मातेसाठी रोज दीड किलो चंदन उगाळले जाते.
चंदन उटीमध्ये श्री विठ्ठल रुक्मिणी रुप सुवर्णालंकारा पेक्षाही सुंदर दिसते. या पूजेचा लाभ घेण्यासाठी मंदिर समितीच्या अधिकृत वेब साईट वर भेट देऊन आपली पूजा नोंदवावी असे आवाहन केले आहे.