महाराष्ट्रातील अपक्ष उमेदवार महायुती आणि मविआवर भारी, पाटलाने गाजवलं मैदान
देशभरात लोकसभा निवडणुकीच्या निकालाची रणधुमाळी सुरू आहे. महाराष्ट्रात एनडीएला फटका बसत असल्याचं चित्र दिसत आहे. दुसऱ्या फेरीमध्ये बदल होऊ शकतात. परंतु आता अटीतटीची लढाई दिसत आहे. मात्र एक अपक्ष उमेदवार महायुती आणि महाविकास आघाडीवर भारी पडला असून विजय मिळवला आहे.
पश्चिम महाराष्ट्रामध्ये एका अपक्ष उमेदवार महायुती आणि महाविकास आघाडीवर भारी पडला आहे. मोठ्या विजयी आघाकडे वाटचाल करताना दिसत आहे.
विशाल पाटील असं या अपक्ष उमेदवाराचं नाव आहे. सांगली लोकसभा मतदार संघात ही लढत सुरू असून युती आणि आघाडीवर गडी एकटा भारी पडला आहे.
सांगली मतदार संघात महाविकास आघाडीकडून चंद्रहार पाटील तर महायुतीकडून संजयकाका पाटील उभे होते. मात्र य दोघांना विशाल पाटील यांनी पिछाडीवर टाकलं आहे.
सांगली लोकसभा 17 व्या फेरी अखेर अपक्ष उमेदवार विशाल पाटील 83 हजार 774 मतांनी आघाडीवर आहेत. विशाल पाटील - 443779 मते तर संजय काका पाटील यांना 359955 मते मिळाली आहेत.
दरम्यान, सांगलीच्या जागेवरून काँग्रेसमधून विशाल पाटील यांना तिकीट मिळालं नाही. कारण ही जागा ठाकरे गटाला सोडण्यात आली होती. त्यानंतर विशाल पाटील यांनी अपक्षा उभं राहत आपली ताकद दाखवून दिली. विशाल पाटील हे वसंतदादा पाटील यांचे नातू आहेत.
