दिल्लीतील परिस्थिती अनियंत्रित, पुरामुळे अनेक भागात पाणी तुंबले, आज पाऊस झाला तर…
दिल्लीत मागच्या काही दिवसात अतिवृष्टी झाली आहे. त्यामुळे मैदाने दुकान आणि घरात अजूनही पाणी आहे. सगळीकडं पाणीचं पाणी झालं आहे. कुणी विचारही केला नसेल की दिल्लीत इतका पाऊस होईल. तिथले काही फोटो सोशल मीडियावर व्हायरल झाले आहेत.
दिल्लीत झालेल्या मुसळधार पावसामुळे सगळीकडं पाणीचं पाणी दिसतं आहे. यमुना नदीच्या पाण्याच्या पातळीत चांगलीचं वाढ झाली आहे. मागच्या ४० वर्षातला रेकॉर्ड पावसाने मोडला आहे.
हजारो लोकांना आपल्या घरात पाणी शिरल्यामुळे इतर ठिकाणी स्थलांतर व्हावं लागलं आहे.
आज सकाळी यमुना नदीची पाण्याची पातळी 208.41 मीटरवरती पोहोचली होती. हा सुध्दा एक रेकॉर्ड झाला आहे.
यमुना नदीच्या पाण्याच्या पातळीत वाढ झाल्यामुळे काही परिसरात पाणी भरलं आहे. पाण्याच्या पातळीत मोठी वाढ होत असल्यामुळे रस्ते बंद कऱण्यात आले आहेत. अनेक सरकारी कार्यालयात सुध्दा पाणी भरलं आहे. १६ हजार पेक्षा अधिक लोकांना इतर ठिकाणी स्थलांतर करण्यात आलं आहे.
आईटीओ, राजघाटला जाणार रस्ता, आउटर रिंग रोड, यमुना बाजार आणि लोहा पुल परिसरात पाणी भरलं आहे. दिल्ली आईटीओच्या जवळ आईपी स्टेडियम आणि राजघाट परिसरातून जाणाऱ्या रस्त्यावर पाणी पाहायला मिळत आहे.
उत्तर भारतात मागच्या कित्येक दिवसात मुसळधार पाऊस झाला आहे. देशाची राजधानी एका मोठ्या पुरामुळे अडचणीत आहे.
दिल्लीत ३० शाळा बंद केल्या आहे. जोपर्यंत परिस्थिती सुरळीत होत नाही तोपर्यंत विद्यार्थ्यांना ऑनलाईन शिक्षण देण्याचा आदेश काढला आहे.
यमुना नदीच्या पाण्याची पातळी 1978 मध्ये 207.49 मीटर होती. हा सगळा रेकॉर्ड बुधवारी तुटला. गुरुवारी पाण्याची पातळी पुन्हा वाढली. त्यामुळे दिल्लीत सगळीकडं पाणी आहे.
