Asia Cup 2023 : सुपर 4 फेरीतील श्रीलंका बांगलादेश सामन्यासाठी दोन दिवसांचं अंतर का? जाणून घ्या कारण
Asia Cup 2023 : आशिया कप स्पर्धेतील सुपर 4 फेरीचे सामने सुरु झाले आहेत. पाकिस्तान विरुद्ध बांगलादेश सामना झाल्यानंतर दोन दिवसांचं अंतर ठेवण्यात आलं आहे. आता श्रीलंका विरुद्ध बांगलादेश यांच्यात 9 सप्टेंबरला सामना होणार आहे. पण या सामन्यासाठी दोन दिवसांचा अवधी का देण्यात आला? असा प्रश्न उपस्थित केला जात आहे.
आशिया कप स्पर्धेत पाकिस्तानची विजयी घोडदौड सुरुच आहे. सुपर 4 फेरीत बांगलादेशला पराभूत केलं . मात्र या सामन्यानंतर 7 आणि 8 सप्टेंबरला कोणत्याही सामन्यात आयोजन करण्यात आलं नाही. त्यामुळे क्रीडाप्रेमींना प्रश्न पडला आहे. या मागे खास कारण आहे जाणून घेऊयात.
आशिया कप स्पर्धेत भारत, पाकिस्तान, श्रीलंका आणि बांगलादेश या संघांनी सुपर 4 मध्ये एन्ट्री मारली आहे. या फेरीतील पहिला सामना पाकिस्तानात झाला. आता पुढील सामना श्रीलंका आणि बांगलादेश यांच्यात होणार आहे.
बांगलादेश आणि श्रीलंका याच्यातील सामना श्रीलंकेत होणार आहे. त्यामुळे पाकिस्तानात खेळलेल्या बांगलादेश संघाची बरीच ओढताण झाली. त्यामुळे लंकेत जाण्यासाठी वेळ मिळावा. तसेच खेळाडूंना विश्रांती मिळावी यासाठी 8 सप्टेंबरला सामन्याचं आयोजन केलं नाही.
श्रीलंका आणि बांगलादेश यांच्यात 9 सप्टेंबरला सामना होणार आहे. कोलंबोतील प्रेमदासा स्टेडियमवर हा सामना होणार आहे. बांगलादेशसाठी हा करो या मरोचा सामना असणार आहे.
भारताचा सुपर 4 मधील पहिला सामना पारंपरिक प्रतिस्पर्धी पाकिस्तानशी होणार आहे. हा सामना 10 सप्टेंबरला कोलंबोच्या प्रेमदासा स्टेडियमवर होणार आहे.
कोलंबोत गेल्या काही दिवसांपासून पाऊस पडत आहे. त्यामुळे सर्व संघ कोलंबोत असले तरी मैदानावर सराव करणं कठीण झालं आहे. त्यामुळे टीम इंडियाचे खेळाडू इनडोअर स्टेडियममध्ये सराव करतील.
आशिया कप स्पर्धेतील सुपर 4 आणि अंतिम फेरीच्या सामन्याचं ठिकाण बदलण्याची शक्यता वर्तवण्यात येत होती. मात्र एशियन क्रिकेट काउंसिलने याबाबत कोणतीही माहिती दिलेली नाही. त्यामुळे ठरलेल्या ठिकाणांमध्ये कोणताही बदल होणार नाही.
