ऑस्ट्रेलियाच्या डेविड वॉर्नरने विक्रमासह कसोटी क्रिकेटला दिला निरोप, आतापर्यंत काय केलं ते जाणून घ्या
ऑस्ट्रेलियाने तीन सामन्यांची कसोटी मालिका 3-0 ने जिंकली. डेविड वॉर्नरच्या कसोटी क्रिकेटला ही मालिका संपताच पूर्ण विराम लागला आहे. डेविड वॉर्नर ऑस्ट्रेलियासाठी 112 कसोटी सामने खेळला. त्यात 205 डाव खेळला. यात 3 द्विशतकं, 26 शतकं आणि 37 अर्धशतकं ठोकली.
पाकिस्तान विरुद्धच्या तिसऱ्या कसोटी सामन्याचा निकाल चौथ्या दिवशीच लागला. ऑस्ट्रेलियाने हा सामना 8 गडी राखून जिंकला. ही कसोटी मालिका डेविड वॉर्नरच्या कारकिर्दितील शेवटची मालिका होती. शेवटच्या डावात डेविड वॉर्नरने 57 धावा केल्या. तसेच सामना संपताच कसोटी क्रिकेट कारकिर्दिला पूर्णविराम लागला आहे.
अर्धशतकासह ऑस्ट्रेलियासाठी कसोटी क्रिकेटमध्ये सर्वाधिक धावा करणारा सलामीवीर होण्याचा विक्रम केला आहे. यापूर्वी हा विक्रम मॅथ्यू हेडनच्या नावावर होता.
ऑस्ट्रेलियाच्या माजी डावखुरा सलामीवर मॅथ्यू हेडन याने सलामीवर म्हणून 8625 धावा केल्या होत्या. आता हा विक्रम डेविड वॉर्नरने मोडीत काढला आहे.
ऑस्ट्रेलियाकडून 205 डाव खेळणाऱ्या डेविड वॉर्नरने सलामीला येत 8776 धावा केल्या आहेत. यासह डेविड वॉर्नरने सलामीवीर म्हणून ऑस्ट्रेलियासाठी सर्वाधिक धावा करण्याचा विक्रम केला आहे.
त्याचबरोबर आंतरराष्ट्रीय क्रिकेटमध्ये सर्वाधिक धावा करणा करणारा दुसरा फलंदाज ठरला आहे. वॉर्नरने ऑस्ट्रेलियासाठी 463 डाव खेळले आणि 18612 धावा केल्या आहेत.
ऑस्ट्रेलियाचा माजी कर्णधार रिकी पॉटिंग या यादीत अव्वल स्थानी आहे. त्याने 667 डाव खेळणाऱ्या पॉटिंगने 27368 धावा केल्या आहेत आणि विक्रम केला आहे.