Ashes 2023 : नाथन लायन याचं दुसऱ्या कसोटी सामन्यात शतक! अशी कामगिरी करणारा जगातला पहिला फिरकीपटू
कसोटी क्रिकेटमध्ये नाथन लायनच्या नावावर नव्या विक्रमाची नोंद झाली आहे. विशेष म्हणजे फलंदाजांचा दबदबा असलेल्या खेळाडूंच्या यादीत स्थान मिळवणारा पहिला फिरकीपटू ठरला आहे.
ऑस्ट्रेलियन फिरकीपटू नाथन लायनने इंग्लंड विरुद्धच्या दुसऱ्या कसोटी सामन्यात नव्या विश्वविक्रमाची नोंद केली आहे.
नाथन लायन कसोटी क्रिकेटमध्ये सलग 100 सामने खेळणाऱ्या खेळाडूंच्या यादीत सहभागी झाला आहे. अशी कामगिरी करणारा तो जगातील पहिला गोलंदाज आहे.
याआधी पाच फलंदाजांनी कसोटी क्रिकेटमध्ये सलग १०० हून अधिक सामने खेळले आहेत. यात भारताच्या माजी खेळाडूचा समावेश आहे.
इंग्लंडचा माजी कर्णधार ॲलिस्टर कुकने 2006 ते 2018 पर्यंत सलग 159 कसोटी सामने खेळले. म्हणजे सलग सर्वाधिक कसोटी सामने खेळण्याचा विश्वविक्रम ॲलिस्टर कुकच्या नावावर आहे.
ऑस्ट्रेलियाचा माजी कर्णधार एलन बॉर्डरने 1979 ते 1994 दरम्यान सलग 153 कसोटी सामने खेळले आहेत.
ऑस्ट्रेलियाचा माजी सलामीवीर मार्क वॉने 1993 ते 2002 दरम्यान सलग 107 कसोटी सामने खेळले आहेत.
सुनील गावस्कर हा भारताचा एकमेव खेळाडू आहे. गावस्कर यांनी 1975 ते 1987 पर्यंत सलग 106 कसोटी सामने खेळले आहेत.
न्यूझीलंड संघाचा माजी कर्णधार ब्रँडन मॅक्युलम 2004-2016 दरम्यान सलग 101 कसोटी सामने खेळले आहेत.
2013 ते 2023 या कालावधीत नाथन लायन याने सलग 100 कसोटी सामने खेळून खास कामगिरी केली आहे. अशी कामगिरी करणारा पहिला फिरकीपटू आहे.
