Duleep Trophy 2024 : मुशीर खानने सचिन तेंडुलकरचा 33 वर्ष जुना विक्रम काढला मोडीत, काय ते जाणून घ्या
दुलीप ट्रॉफी 2024 स्पर्धेच्या पहिल्या फेरीचे सामना होत आहे. या स्पर्धेत इंडिया ए आणि इंडिया बी संघ आमनेसामने आहेत. या सामन्यात मुशीर खानने शतकी खेळी करून सर्वांचं लक्ष वेधून घेतलं आहे. दुलीप ट्रॉफीच्या पहिल्याच सामन्यात त्याने ही कमाल केली.
इंडिया बी संघाची स्थिती नाजूक असताना मुशीर खानने जबरदस्त खेळी केली. 97 वर 7 गडी बाद अशी स्थिती होती. मुशीरने 181 धावा करत टीमला 300 पार धावा करण्यात मदत केली. 373 चेंडूचा सामना करत 16 चौकार आणि 5 षटकाराच्या मदतीने 181 धावा केल्या.
मुशीर खानने या खेळीसह नव्या विक्रमाला गवसणी घातली आहे. दुलीप ट्रॉफी स्पर्धेत 20 पेक्षा कमी वयात मोठी धावसंख्या करणारा तिसरा खेळाडू ठरला आहे.
मुशीर खानने मास्टर ब्लास्टर सचिन तेंडुलकरचा विक्रम मोडीत काढला आहे. त्याने 1991 मध्ये दुलीप ट्रॉफीत पदार्पणाच्या सामन्यात 159 धावांची खेळी केली होती.
दुलीप ट्रॉफी स्पर्धेत सर्वाधिक धावा करणाऱ्या खेळाडूंच्या यादीत बाबा अपराजित आघाडीवर आहे. त्याने पदार्पणाच्या सामन्यात 212 धावा केल्या होत्या. तर यश ढुल दुसऱ्या स्थानावर असून 193 धावा केल्या आहेत.
मुशीर खानने अंडर 19 वर्ल्डकप 2024 स्पर्धेत चांगली खेळी केली होती. सात सामन्यात 60 च्या सरासरीने 360 धावा केल्या होत्या. तसेच 7 विकेट घेतल्या होत्या.
