आयसीसीने वूमन्स टी 20 वर्ल्ड कप 2024 स्पर्धेचं वेळापत्रक प्रसिद्ध केलं आहे. या स्पर्धेत एकूण 10 संघ सहभागी होणार आहेत. स्पर्धेचं यजमानपद बांगलादेशकडे आहे.
या स्पर्धेत एकूण 10 संघ असून 23 सामने होणार आहेत. तर 3 ते 20 ऑक्टोबर दरम्यान सामने पार पडणार आहेत. एकूण 10 संघांना 2 गटात विभागण्यात आलंय. ए ग्रुपमधील टीमचे सर्व सामने सिल्हेटमध्ये तर बी ग्रुपमधील टीमचे सामने राजधानी ढाक्यात होतील.
स्पर्धेतील सलामीचा सामना हा 3 ऑक्टोबर रोजी होणार आहे. पहिल्या सामन्यात इंग्लंड विरुद्ध दक्षिण आफ्रिका यांच्यात होणार आहे. तर टीम इंडियाचा पहिला सामना हा 4 ऑक्टोबर रोजी होणार आहे. टीम इंडियासमोर न्यूझीलंडचं आव्हान असणार आहे.
क्रिकेट चाहत्यांना कायम टीम इंडिया-पाकिस्तान या हायव्होल्टेज सामन्याची प्रतिक्षा असते. हे 2 कट्टर प्रतिस्पर्धी 6 ऑक्टोबरला भिडणार आहेत.
टीम इंडियाने गेल्या वर्षी 2023 च्या वर्ल्ड कप सामन्यात पाकिस्तानवर विजय मिळवला होता. टीम इंडियाने पाकिस्तानवर 19 व्या ओव्हरमध्ये 7 विकेट्सने सामना जिंकला होता.
दरम्यान ऑस्ट्रेलिया ही सर्वात यशस्वी संघ आहे. ऑस्ट्रेलिया संघ गतविजेता आहे. तसेच ऑस्ट्रेलियाने एकूण 6 वेळा टी 20 वर्ल्ड कप जिंकला आहे.